تىڭداۋ، ايتۋ، وقۋ جانە جازۋ سياقتى داعدىلار باعالانادى.
قازاق تىلىنەن ەمتيحان جازباشا جانە اۋىزشا تۇردە وتەدى، دەپ حابارلايدى Almaty-akshamy.kz وقۋ-اعارتۋ مينيسترلىگىنە سىلتەمە جاساپ.
«قازاق ءتىلى» پانىنەن ەمتيحاندى 5-8، 10-سىنىپ وقۋشىلارى تاپسىرادى. مۇنداي وزگەرىستەر كەلەسى (2023-2024) وقۋ جىلىنان باستاپ ەنگىزىلەدى.
بۇعان دەيىن قازاق تىلىنەن ەمتيحاندى تەك 9 جانە 11-سىنىپ وقۋشىلارى عانا تاپسىراتىن. 5 سىنىپ وقۋشىلارىنا ەمتيحان تاپسىرتۋ تۋرالى ۇسىنىس قازاق ءتىلى مۇعالىمدەرىنىڭ سەزىندە جانە وقۋ-اعارتۋ ءمينيسترىنىڭ قاتىسۋىمەن وتكەن مۇعالىمدەر قاۋىمداستىعى وكىلدەرىنىڭ كەزدەسۋىندە ايتىلعان بولاتىن.
ەمتيحان تاپسىرمالارىن وقىتۋشىلار اكادەميالىق ادالدىق قاعيداتتارىن ساقتاي وتىرىپ وزدەرى قۇراستىرادى. بۇل ءپان بويىنشا قورىتىندى باعالار 5-8، 10-سىنىپتاردا ەمتيحان جانە جىلدىق باعالاۋ قورىتىندىلارى بويىنشا قويىلادى.