ەلىمىزدە 34،2 مىڭ جاس كاسىپكەر بار.
ۇستىمىزدەگى جىلدىڭ 10 ايىندا ەلىمىزدە 34،2 مىڭ زاڭدى تۇلعا جۇمىس ىستەيتىنى انىقتالدى. ولاردىڭ باسىم بولىگى 29 جاسقا دەيىنگى تۇلعالار، دەپ حابارلايدى Almaty-akshamy.kz Finprom.kz سىلتەمە جاساپ.
29 جاسقا دەيىنگى مەنشىك يەلەرى ەلىمىزدىڭ ءىرى مەگاپوليستەرىندە جۇمىس ىستەيتىنى بايقالادى. ولار جالپى كومپانيالاردىڭ 57،9%-ىن قۇرادى. ماسەلەن، الماتىدا اتالعان سەكتوردىڭ 9،2 مىڭ كومپانياسى جۇمىس ىستەيدى، بۇل وتكەن جىلدىڭ سايكەس كەزەڭىمەن سالىستىرعاندا 4%-عا ارتىق. استانادا 7،8 مىڭ جاس زاڭدى تۇلعا تىركەلسە، شىمكەنتتەگى 2،8 مىڭ كاسىپورىندى 29 جاسقا جەتپەگەن باسشىلار باسقارادى.
جاس كاسىپكەرلەرگە تيەسىلى كومپانيالاردىڭ ەڭ از بولىگى ۇلىتاۋ، اباي جانە جەتىسۋ وبلىستارىنا ورنالاسقان.
مۇنداي زاڭدى تۇلعالار كوبىنەسە كوتەرمە جانە بولشەك ساۋدا، اۆتوجوندەۋ سالاسىمەن اينالىسادى. جاس مەنشىك يەلەرى جەتەكشىلىك ەتەتىن كومپانيالار اراسىندا مەملەكەتتىك باسقارۋ جانە قورعانىس، جىلۋ، ەلەكتر جانە سۋمەن جابدىقتاۋ، قالدىقتاردى جويۋ سياقتى سالالار ءجيى كەزدەسەدى.