جارمەڭكە 29 ناۋرىز كۇنى بولادى.
وندا ءتۇرلى ماماندىقتار بويىنشا 350-گە جۋىق بوس جۇمىس ورنى ۇسىنىلادى، دەپ حابارلايدى Almaty-akshamy.kz
2023 جىلعى 29 ناۋرىزدا Enbek.kz ەلەكتروندىق ەڭبەك بيرجاسى الاڭىندا تاۋ-كەن ءوندىرۋ جانە وڭدەۋ ونەركاسىبى كاسىپورىندارىنىڭ بوس جۇمىس ورىندارىنىڭ رەسپۋبليكالىق ونلاين- جارمەڭكەسى وتەدى.
جارمەڭكەگە ەلىمىزدىڭ ءتۇرلى وڭىرلەرىنەن "الماتى اۋىر ماشينا جاساۋ زاۋىتى" اق، "KSP Steel" ج ش س، "رەمسترويتەحنيكا" اق، "KAZ Minerals Aktogay" ج ش س جانە باسقا دا 15 ءىرى جۇمىس بەرۋشى قاتىسادى.
جارمەڭكە بارىسىندا جۇمىس بەرۋشىلەر ءوز كومپانيالارىنىڭ ونلاين-تانىستىرىلىمىن وتكىزەدى، قولدا بار بوس جۇمىس ورىندارىن ۇسىنادى جانە ەڭ قولايلى كانديداتتاردىڭ جەكە بازاسىن قالىپتاستىرادى. ءوتىنىش بەرۋشىلەر ءوز كەزەگىندە ۇيىمداردىڭ HR-مەنەدجەرلەرىمەن سويلەسە الادى، اڭگىمەلەسۋدەن ءوتىپ، ولارعا قىزىقتىرعان سۇراقتارىن قويا الادى.
ءىس-شاراعا قاتىسۋ ءۇشىن ەەب پورتالىنداعى Tanda.Enbek ارنايى بولىمىنە كىرۋ كەرەك، وندا جۇمىس ىزدەۋشىلەر جۇمىس بەرۋشىلەر تۋرالى قىسقاشا اقپاراتپەن تانىسىپ، قولجەتىمدى بوس جۇمىس ورىندارىن قاراپ، ولارعا جاۋاپ بەرە الادى.
ءوتىنىش بەرۋشىلەر قاتىسۋ ءۇشىن پورتالدىڭ جەكە كابينەتىن اشۋى نەمەسە وعان كىرۋى جانە تىركەلۋى قاجەت. جارمەڭكە باستالار الدىندا اتالعان ەلەكتروندىق پوشتاعا شاقىرۋ حاتى جىبەرىلەدى.