ق ر ەڭبەك جانە حالىقتى الەۋمەتتىك قورعاۋ ۆيسە-مينيسترى ۆيكتوريا شەگاي شىعىس ەۋروپا مەن ورتالىق ازيا ەلدەرىندەگى حالىقارالىق ەڭبەك ۇيىمىنىڭ لايىقتى ەڭبەك ماسەلەلەرى بويىنشا تەحنيكالىق قولداۋ توبى مەن وڭىرلىك بيۋروسىنىڭ ديرەكتورى ميحايل پۋشكينمەن كەزدەسۋ وتكىزدى، - دەپ حابارلايدى Aqshamnews.kz.
كەزدەسۋ بارىسىندا تاراپتار قازاقستاندىقتاردىڭ الەۋمەتتىك قورعالۋ دەڭگەيىن ارتتىرۋعا باعىتتالعان ۆەدومستۆونىڭ قىزمەتى تۋرالى پىكىر الماستى.
ءوز سوزىندە ۆيكتوريا شەگاي قازاقستاندا لايىقتى ەڭبەكتى ىلگەرىلەتۋ جونىندەگى جول كارتاسىنىڭ ىسكە اسىرىلۋ بارىسى، حەۇ كونۆەنسيالارىن راتيفيكاسيالاۋ بويىنشا جۇرگىزىلىپ جاتقان جۇمىستار تۋرالى حاباردار ەتىپ، سونداي-اق قىزمەتكەرلەر مەن جۇمىس بەرۋشىلەر مۇددەلەرىنىڭ تەڭگەرىمىن قامتاماسىز ەتۋگە نەگىزدەلگەن ەڭبەك قاتىناستارىن رەتتەۋدىڭ ۇلتتىق مودەلى جانە ونىڭ دامۋى جايىندا باياندادى.
«قازاقستاندا الەۋمەتتىك ارىپتەستىك ينستيتۋتى بەلسەندى جۇمىس ىستەيدى. ول ۇزاق جىلدار بويى كەلىسسوزدەر جۇرگىزۋدىڭ ءتيىمدى تەتىگى رەتىندە ءوزىن دالەلدەپ، الەۋمەتتىك-ەڭبەك سالاسىنداعى ماسەلەلەردى شەشۋدە ەلەۋلى الەۋەتكە يە. بۇل ينستيتۋت الەۋمەتتىك-ەڭبەك قاتىناستارىن رەتتەۋ ماسەلەلەرى بويىنشا تاراپتاردىڭ مۇددەلەرىن كەلىسۋدى قامتاماسىز ەتەدى جانە تەڭ قۇقىقتى ىنتىماقتاستىق قاعيداتتارىنا نەگىزدەلەدى»، – دەدى شەگاي.
ۆيسە-مينيستر ەلىمىزدە رەسپۋبليكالىق، وڭىرلىك جانە سالالىق دەڭگەيلەردە الەۋمەتتىك ارىپتەستىك ورگاندارى – مەملەكەتتىك ورگانداردىڭ، جۇمىس بەرۋشىلەر مەن جۇمىسكەرلەردىڭ وكىلدەرىنەن پاريتەتتىك وكىلدىك، وكىلەتتىلىك، تەڭ قۇقىقتىلىق جانە تاراپتاردىڭ ءوزارا جاۋاپكەرشىلىگى قاعيداتتارى نەگىزىندە قالىپتاستىرىلاتىن ءۇشجاقتى كوميسسيالار جۇمىس ىستەيتىنىن اتاپ ءوتتى.
ءسوز سوڭىندا ۆيكتوريا شەگاي قازاقستان الەۋمەتتىك ادىلەتتىلىكتى نىعايتۋعا، ءادىل ەڭبەك جاعدايلارىن جاساۋعا جانە شىعۋ تەگى، الەۋمەتتىك مارتەبەسى مەن جىنىسىنا قاراماستان بارشاعا تەڭ مۇمكىندىكتەر قامتاماسىز ەتۋگە ەرەكشە ءمان بەرەتىنىن ەسكە سالدى.
«ءبىز الەۋمەتتىك ادىلەتتىلىك نەگىزىندە جالپىعا ورتاق جانە بەرىك بەيبىتشىلىكتى ورناتۋعا باعىتتالعان الەۋمەتتىك ادىلەتتىلىك ءۇشىن جاھاندىق كواليسياعا قوسىلدىق. ونىڭ ماقساتتارى مەن مىندەتتەرىن ىلگەرىلەتۋ ءۇشىن حەۇ-مەن، ۇكىمەتتەرمەن، جۇمىسكەرلەر مەن جۇمىس بەرۋشىلەر بىرلەستىكتەرىمەن بەلسەندى جۇمىس جۇرگىزۋگە نيەتتىمىز»، – دەدى ۆيسە-مينيستر.
ءوز كەزەگىندە ميحايل پۋشكين حالىقارالىق تاجىريبە مەن حەۇ كونۆەنسيالارىن ەسكەرە وتىرىپ، ۇلتتىق زاڭنامانى جەتىلدىرۋ باعىتىنداعى جۇمىستىڭ تيىمدىلىگىن جانە وڭ سەرپىنىن اتاپ ءوتىپ، وسى باعىتتاعى ىنتىماقتاستىقتى كەڭەيتۋ مۇمكىندىكتەرىن قاراستىرۋدى ۇسىندى.