الماتىدا تۇرعىن ءۇي سەكتورىنداعى قوعامدىق ءتارتىپ پەن قاۋىپسىزدىكتى قامتاماسىز ەتۋگە باعىتتالعان "ءقاۋىپسىز اۋلا" جەدەل-پروفيلاكتيكالىق ءىس-شاراسى جالعاسۋدا.
ءىس-شارانىڭ ەكى كۇنى ىشىندە پوليسيا قىزمەتكەرلەرى تۇرعىلىقتى مەكەنجايلارى بويىنشا ەسەپتە تۇرعان 2 105 ادامدى تەكسەردى،- دەپ حابارلايدى aqshamnews.kz.
ناتيجەسىندە 14 ازاماتقا قاتىستى سوت شەشىمىمەن مىنەز-قۇلقىنا ەرەكشە تالاپتار بەلگىلەنىپ، ونىڭ ىشىندە الكوگولدىك ىشىمدىكتەردى تۇتىنۋعا تىيىم سالىندى. سونىمەن قاتار الكوگول ونىمدەرىن زاڭسىز ساتۋ دەرەكتەرى بويىنشا 29 قۇقىق بۇزۋشى جاۋاپكەرشىلىككە تارتىلدى. قوعامدىق ورىنداردا الكوگولدىك ىشىمدىكتەر ىشكەنى ءۇشىن 152 ازاماتقا قاتىستى شارا قولدانىلدى.
— "ءقاۋىپسىز اۋلا" جەدەل-پروفيلاكتيكالىق ءىس-شاراسىنىڭ باستى ماقساتى — قۇقىق بۇزۋشىلىقتاردىڭ الدىن الۋ جانە اۋلالار مەن تۇرعىن ماسسيۆتەردە ءقاۋىپسىز ورتانى قالىپتاستىرۋ. ءبىز ەسەپتە تۇرعان تۇلعالارمەن جۇيەلى تۇردە جۇمىس جۇرگىزىپ، الكوگول ونىمدەرىنىڭ زاڭسىز اينالىمىن جانە قوعامدىق ءتارتىپتى بۇزۋ فاكتىلەرىن دەر كەزىندە توقتاتۋدامىز. مۇنداي شارالار ىقتيمال قاۋىپ-قاتەرلەردى ەرتە انىقتاۋعا جانە اۋىر قۇقىق بۇزۋشىلىقتاردىڭ الدىن الۋعا مۇمكىندىك بەرەدى، — دەدى الماتى قالاسى پوليسيا دەپارتامەنتى قوعامدىق قاۋىپسىزدىك باسقارماسىنىڭ باستىعى اسحات قۇلبايەۆ.