سارىارقانىڭ تورىندە بوي تۇزەگەن ەلوردامىز استانا – تاۋەلسىز قازاقستاننىڭ عانا ەمەس، بۇكىل ەۆرازيانىڭ جۇرەگىنە اينالعان ارۋ قالا. بۇگىن، 6 - شىلدە استانانىڭ تۋعان كۇنى. وسىدان 27 جىل بۇرىن استانامىز بەلگىلەنىپ، ءوزىنىڭ تاريحي داتاسىن قالىپتاستىرعان ەدى. سودان بەرى نە وزگەردى؟ قانداي عيماراتتار بوي كوتەردى؟ اqshamnews.kz ءتىلشىسى ەلوردانىڭ تۋعان كۇنىنە وراي تاريح كەڭىستىگىنە سىر شەرتىپ، استانانىڭ العاشقى كەلبەتىنەن كادرلاردى جيناقتادى.
سول جاق جاعالاۋدىڭ تىنىسى
استانا كۇنىن بۇكىل قازاقستان بولىپ العاش رەت 2006 جىلى 6 شىلدەدە اتاپ ءوتتى. اراعا تاعى ەكى جىل سالىپ 2008 جىلى 18 شىلدەدە بۇل كۇن رەسمي تۇردە مەملەكەتتىك مەرەكە مارتەبەسىنە يە بولدى. بيىل ەلىمىزدىڭ باس قالاسى استانانىڭ استانا مارتەبەسىن يەلەنگەنىنە 27 جىل تولىپ وتىر.
1990 جىلدارى سول جاعالاۋ كەڭ جازىق دالا بولاتىن. ۋاقىت وتە كەلە بۇل جەر استانانىڭ كەلبەتىنە اينالدى. ءقازىر ەلوردا دەسە بىردەن سول جاق جاعالاۋداعى عيماراتتار ەلەستەيدى.
سۋرەت: informburo.kz
"قازمۇنايگاز" جانە "نۇرجول" بۋلۆارى
قالا سيمۆولىنا اينالعان تاعى ءبىر نىسان - بۇرىنعى "قازمۇنايگاز" عيماراتى. 2002 جىلى سالىنعان بۇل نىساندا بۇگىندە ءتۇرلى مەملەكەتتىك مەكەمەلەر مەن ەنەرگەتيكا مينيسترلىگى ورنالاسقان. ال "نۇرجول" بۋلۆارىنىڭ بويىندا ورنالاسقان ماڭىزدى عيماراتتار "سولتۇستىك شۇعىلا" تك – 2008، قتج عيماراتى – 2009، "كازمەديا ورتالىعى" – 2011، "يزۋمرۋدنىي كۆارتال" – 2011 جىلى سوعىلعان.
"قازمۇنايگازدىڭ" ارتىندا 2010 جىلى "حان شاتىر" ساۋدا-ويىن-ساۋىق ورتالىعى، ال 2013 جىلى جانىندا "استانا وپەرا" تەاترى سالىندى.
"استانا تريۋمفى" مەن تۇران داڭعىلى
2006 جىلى سالىنعان "استانا تريۋمفى" عيماراتىنىڭ ارت جاعىندا بۇگىندە بىرنەشە تۇرعىن كەشەن بار: Grand Opera، Sensata، "دەلفين". سونىمەن قاتار، ءقازىر تۇران داڭعىلىنىڭ بويىندا بوي تۇزەگەن مەيرامحانالار اللەياسى دا قالاعا ەرەكشە ءسان بەرەدى.
لەنين الاڭىنان - پارلامەنتكە
بۇرىنعى لەنين الاڭى - كەزىندەگى سەلينوگرادتىڭ سيمۆولى بولاتىن. 1979 جىلى مۇندا "سەلينگيپروسەلحوز" جوبالاۋ ينستيتۋتىنىڭ 16 قاباتتى عيماراتى سالىندى. اقمولا استانا بولعان سوڭ مۇندا پارلامەنت كوشىپ كەلدى. ءقازىر بۇل نىسان - پرەزيدەنت جانىنداعى مەملەكەتتىك باسقارۋ اكادەمياسى.
1964 جىلى سالىنعان كەڭەستەر ءۇيى اقمولا استانا مارتەبەسىن العان سوڭ ۇكىمەت رەزيدەنسياسىنا اينالدى. بۇگىندە بۇل جەردە استانا قالاسى اكىمىنىڭ اپپاراتى ورنالاسقان.
جاستار سارايى
جاستار سارايى - العاشىندا "جاستار ءۇيى" رەتىندە جوبالانىپ، 1974 جىلى اشىلدى، قارسى بەتىندە ورنالاسقان "تۋريست" قوناق ءۇيى (1984) ءالى كۇنگە دەيىن ءوزىنىڭ اتاۋىن ساقتاپ وتىر.
ەسكى ۆوكزال
سەلينوگرادتىڭ ەسكى تەمىرجول ۆوكزالى - 60 جىلدان اسا تاريحى بار نىسان. ءقازىر - قوسالقى تەرمينال، ال 1990 جىلى سالىنعان جاڭا بيىك عيمارات - نەگىزگى ۆوكزال رەتىندە قىزمەت ەتىپ وتىر.
سۋرەتتەر: informburo.kz