رەيس سانى اپتاسىنا 19-عا دەيىن كوبەيگەن.
21 ساۋىردەن باستاپ Air China اۋە كومپانياسى بەيجىڭ – سيان – استانا باعىتى بويىنشا اپتاسىنا 3 رەت جيىلىكپەن (دۇيسەنبى، سارسەنبى، جۇما) تىكەلەي جولاۋشىلار رەيسىن ورىنداۋدى جوسپارلاپ وتىر، دەپ حابارلايدى Almaty-akshamy.kz
ييدم ازاماتتىق اۆياسيا كوميتەتى قحر اۆياسيالىق بيلىك ورىندارىمەن بىرلەسىپ، Air China اۋە كومپانياسىنىڭ قازاقستان مەن جۇڭگو اراسىنداعى تۇراقتى جولاۋشىلار رەيستەرىن قالپىنا كەلتىرۋ ماسەلەسىن پىسىقتادى.
ۆەدومستۆو وكىلدەرىنىڭ مالىمەتىنشە، رەيستەردى Airbus-A320 ءتيپتى اۋە كەمەلەرى اتقارادى.
ءوز كەزەگىندە قازاقستان تاراپىنان Air Astana اۋەكومپانياسى بيىل ماۋسىم ايىنان باستاپ استانا – بەيجىڭ باعىتتارى بويىنشا ورىندالاتىن رەيستەر سانىن 1-دەن 2 رەيسكە دەيىن، الماتى – بەيجىڭ باعىتتارى بويىنشا 6-دان 7 رەيسكە دەيىن جانە الماتى-چەندۋ باعىتتارى بويىنشا اپتاسىنا 1-دەن 2 رەيسكە دەيىن ۇلعايتۋدى جوسپارلاپ وتىر.
وسىلايشا، ەلدەر اراسىنداعى رەيستەر سانى اپتاسىنا 13-تەن 19 رەيسكە دەيىن ۇلعايتىلادى. ونىڭ ىشىندە قىتايلىق China Southern Airlines اۋە كومپانياسى استانا – ءۇرىمشى باعىتى بويىنشا اپتاسىنا 2 رەيس جانە الماتى – ءۇرىمشى باعىتى بويىنشا 3 رەيس جاساماق.
قازاقستان مەن جۇڭگو اراسىنداعى جاڭا باعىتتاردىڭ اشىلۋى جانە اۋە رەيستەرى سانىنىڭ ارتۋى ەلدەر اراسىنداعى تۋريستىك، مادەني، ينۆەستيسيالىق جانە ىسكەرلىك ىنتىماقتاستىقتى ودان ءارى دامىتۋعا ىقپال ەتەتىن بولادى.