ەلىمىزدىڭ ءتورت وبلىسىنىڭ جولى جابىلدى

19 ناۋرىز بەن 24 ناۋرىز ارالىعىندا شامامەن 86 رەت جول قوزعالىسىنا شەكتەۋلەر ەنگىزىلدى.

«قازاۆتوجول» اق باسپا ءسوز قىزمەتىنىڭ اقپاراتىنا سايكەس، رەسپۋبليكالىق ماڭىزى بار تاسجولداردا 600-گە جۋىق ارنايى تەحنيكا جۇمىس جاساپ جاتىر، دەپ حابارلايدى Almaty-akshamy.kz

قازاقستاننىڭ ءتورت وبلىسىندا اۋا رايى قولايسىزدىعىنا بايلانىستى جول قوزعالىسى جابىلدى.

قازىرگى ۋاقىتتا جابىق جولدار:

اقمولا وبلىسى بويىنشا:

23 ناۋرىزدا ساعات 12.00-دە اۋا رايىنىڭ ناشارلاۋىنا بايلانىستى جەزقازعان - پەتروپاۆل تاسجولىنىڭ 377-440-شاقىرىمدارى ۋچاسكەسى: قوستاناي وبلىسىنىڭ شەكاراسى – دەرجاۆينسك قالاسى بويىنشا كولىكتىڭ بارلىق تۇرىنە قوزعالىس شەكتەلگەن.

شىعىس قازاقستان وبلىسى بويىنشا:

2022 جىلعى 23 ناۋرىزدا ساعات 19.50-دە اۋا رايىنىڭ ناشارلاۋىنا بايلانىستى قاراعاندى ​​- اياگوز - بۇعاز تاسجولىنىڭ 707-941-شاقىرىمى، اياگوز قالاسى - بۇعاز اۋىلى ۋچاسكەسىندە كولىكتىڭ بارلىق تۇرىنە قوزعالىس شەكتەلدى.

قاراعاندى ​​وبلىسى بويىنشا:

2022 جىلعى 22 ناۋرىزدا ساعات 7.30-دا اۋا رايىنىڭ ناشارلاۋىنا بايلانىستى جەزقازعان - پەتروپاۆل تاسجولىنىڭ 142-252-شاقىرىمى، سارلىق اۋىلى - قوستاناي وبلىسىنىڭ شەكاراسى ۋچاسكەسىندە كولىكتىڭ بارلىق تۇرىنە قوزعالىس شەكتەلدى.

قوستاناي وبلىسى بويىنشا:

2022 جىلعى 22 ناۋرىزدا ساعات 7.45-تە قاراعاندى ​​وبلىسىندا اۋا رايىنىڭ ناشارلاۋىنا بايلانىستى جەزقازعان - پەتروپاۆل تاسجولىنىڭ 252-340-شاقىرىمدارى، قاراعاندى ​​وبلىسىنىڭ شەكاراسى - ارقالىق قالاسى.

2022 جىلعى 23 ناۋرىزدا ساعات 12.00-دە اقمولا وبلىسىندا اۋا رايىنىڭ ناشارلاۋىنا بايلانىستى جەزقازعان - پەتروپاۆل تاسجولىنىڭ 340-377-شاقىرىمىندا: ارقالىق قالاسى - اقمولا وبلىسىنىڭ شەكاراسى ۋچاسكەسىندە كولىكتىڭ بارلىق تۇرىنە قوزعالىس شەكتەلگەن.

«اۋا رايىنىڭ ناشارلاۋىنا بايلانىستى جوعارى دايىندىق رەجيمى ساقتالادى. «قازاۆتوجول» قىزمەتكەرلەرى جولدارداعى جاعدايدى تاۋلىك بويى باقىلاپ وتىر. جوندەۋ جۇمىستارى كۇشەيتىلگەن رەجيمدە جالعاسىپ جاتىر. توتەنشە جاعداي ورىن السا، 1403 قىسقا نومىرىنە قوڭىراۋ شالىڭىز»، - دەدى باسپا ءسوز قىزمەتى وكىلدەرى.

قولايسىز اۋا رايىندا جولدى مۇزدان تازارتۋعا 4 مىڭ تونناعا جۋىق قۇم-تۇز قوسپاسى جۇمسالعان.