پاۆلودار وبلىسىندا ادام ولىمىمەن اياقتالعان جول-كولىك اپاتى بولدى
23 ناۋرىزدا ساعات 22.50-دە ومبى-مايقاپشاعاي اۆتوجولىندا، نوۆويامىشيەۆو اۋىلىنىڭ ماڭىندا Toyota Camry اۆتوكولىگىنىڭ جۇرگىزۋشىسى پاۆلودار جاعىنا قاراي ناشار كورىنۋ جاعدايىندا جولدى بەلگىلەنبەگەن جەردەن كەسىپ وتكەن 25 جاستاعى جاياۋ جۇرگىنشىنى قاعىپ كەتتى، دەپ حابارلايدى Almaty-akshamy.kz Polisia.kz-كە سىلتەمە جاساپ.
جول اپاتى سالدارىنان جاياۋ جۇرگىنشى وقيعا ورنىندا كوز جۇمدى.
ادام ءومىرىن قيعان تاعى ءبىر وقيعا سول كۇنى ساعات 18.30-دا پاۆلودار-لەنينسكيي اۆتوجولىندا بولدى. مۇندا Lada Priora اۆتوكولىگىنىڭ 38 جاستاعى جۇرگىزۋشىسى بوراننىڭ سالدارىنان ءرۋلدى باسقارا الماي، سوقتىعىسقان. جول-كولىك وقيعاسى سالدارىنان جۇرگىزۋشى العان جاراقاتتارىنان وقيعا ورنىندا كوز جۇمدى. ساراپتاما تاعايىندالدى. بارلىق فاكتىلەر بويىنشا تەكسەرۋلەر جۇرگىزىلەدى.