بۇل باستاما كورەرمەننىڭ نازارىن تاريحي ماتەريالدارعا اۋدارا وتىرىپ وتاندىق تاريح پەن مادەنيەتكە دەگەن قىزىعۋشىلىقتى ارتتىرۋدى كوزدەيدى.
تاريحي كورسەتىلىم ەلىمىزدەگى استانا، الماتى، شىمكەنت قالالارى مەن وبلىس ورتالىقتارىنداعى – جالپى 24 كينوتەاتردا، ءار اپتانىڭ جۇما، سەنبى جانە جەكسەنبى كۇندەرى كەشكى ۋاقىتتا كورسەتىلۋدە، دەپ حابارلايدى aqshamnews.kz
قازاقستان رەسپۋبليكاسى مادەنيەت جانە اقپارات مينيسترلىگى ارحيۆ، قۇجاتتاما جانە كىتاپ ءىسى كوميتەتى ورتالىق مەملەكەتتىك كينو-فوتوقۇجاتتار مەن دىبىس جازبالارىنىڭ ارحيۆىندە ساقتالعان كينو، فوتو جانە اۋديوقۇجاتتار نەگىزىندە جاسالعان بەينەماتەريالدار ازىرلەدى.
كورسەتىلەتىن بەينەروليكتەر «قازاقستان تاريحىنداعى ەڭ العاشقى فوتوسۋرەت»، «قازاقستان تاريحىنداعى ەڭ العاشقى اۋديوجازبا»، «تۇركسىب – شىعىس پەن باتىستى جالعاعان جول»، «الماتى ارحيتەكتۋراسىنىڭ ەۆوليۋسياسى»، «نەيروجەلىنىڭ كومەگىمەن ومىرگە كەلگەن ەتنوگرافيالىق فوتوسۋرەتتەر» سىندى ءتۇرلى تاقىرىپتاردى قامتيدى.
جوبا ق ر مادەنيەت جانە اقپارات مينيسترلىگى ارحيۆ، قۇجاتتاما جانە كىتاپ ءىسى كوميتەتى مەن «Cinema Invest Group» ج ش س كينوپاركى اراسىندا اۋديوۆيزۋالدى قۇجاتتاردى ناسيحاتتاۋ جونىندەگى ىنتىماقتاستىق پەن ءوزارا ءىس-قيمىل تۋرالى مەموراندۋم اياسىندا جۇزەگە اسىرىلدى.