ۇكىمەتتىڭ ۇلتتىق قوردان العان قاراجاتى تۇسىمنەن اسىپ كەتكەن

مۇندايدا ۇلتتىق قور قاراجاتىن كوبەيتەتىن جالعىز فاكتور – ينۆەستيسيالىق كىرىس.

ۇلتتىق ەكونوميكا ءمينيسترى نۇرلان بايبازاروۆ پارلامەنتكە 2025-2027 جىلدارعا ارنالعان كەپىلدەندىرىلگەن ترانسفەرت تۋرالى زاڭ جوباسىن تانىستىردى، دەپ حابارلايدى aqshamnews.kz

بايبازاروۆتىڭ ايتۋىنشا، زاڭ جوباسى بيۋدجەت كودەكسىنىڭ ەرەجەلەرى نەگىزىندە ازىرلەنگەن. زاڭ جوباسىندا مۇنايدىڭ كەسىمدى باعاسى 2025 جىلى باررەلىنە 42،3 اقش دوللارى، 2026-2027 جىلدارى باررەلىنە 41 – 39،4 اقش دوللارى دەڭگەيىندە بەلگىلەنگەن.

«وسىنى ەسكەرە وتىرىپ، ۇلتتىق قوردان كەپىلدەندىرىلگەن ترانسفەرتتىڭ مولشەرى 2025-2027 جىلدارعا جىل سايىن 2 ترلن تەڭگە كولەمىندە ايقىندالدى. جوسپارلى كەزەڭدە ۇلتتىق قوردىڭ تازا ۆاليۋتالىق اكتيۆتەرى بولجام بويىنشا 2025 جىلى 62،2 ملرد اقش دوللارىن، 2026-2027 جىلدارى 69،9 – 78،7 ملرد اقش دوللارىن قۇرايدى. زاڭ جوباسىن قابىلداۋ رەسپۋبليكالىق بيۋدجەتتىڭ تەڭگەرىمدىلىگىن قامتاماسىز ەتۋگە مۇمكىندىك بەرەد»ءى، – دەيدى بايبازاروۆ.

ال ۇلتتىق بانك ءتوراعاسى تيمۋر سۇلەيمەنوۆ مۇنايعا جاتپايتىن تاپشىلىقتىڭ جوعارى كۇيىندە قالعانىن، جالپى تاپشىلىقتى جابۋ ءۇشىن بيۋدجەت – ۇلتتىق قوردىڭ ترانسفەرتتەرىنە سۇيەنەتىنىن ايتادى.

«ۇلتتىق قورعا قاراجاتتىڭ ءتۇسۋى مەن ونى الۋدا – بالانس تەرىس. ياعني، الىنعان قاراجات ونىڭ تۇسىمىنەن اسىپ كەتىپ وتىر. مۇنداي جاعدايدا، ۇلتتىق قور قاراجاتىن كوبەيتەتىن جالعىز فاكتور – ينۆەستيسيالىق كىرىس. ول بيىل توعىز ايدا 10،27% نەمەسە 6،16 ملرد دوللار بولدى. تەك وسىنىڭ ارقاسىندا ۇلتتىق قوردىڭ اكتيۆتەرى جىل باسىنان بەرى 4،5%-كە ءوسىپ، 62،7 ملرد دوللارعا جەتتى. جالپى العاندا، بيىل ۇلتتىق قوردان بەرىلەتىن تىكەلەي ترانسفەرتتەر كولەمى 5،6 ترلن تەڭگەنى قۇرادى. وسىعان ۇقساس دەڭگەي، ياعني 5،3 ترلن تەڭگە كەلەر جىلدىڭ بيۋدجەتىندە قاراستىرىلدى»، – دەيدى ول.