University Medical Center-دەگى قازاقستاندىق كارديوحيرۋرگتار كومانداسى ورگانيزمنەن تىس اعزالاردى ساقتاۋ ءۇشىن بىرەگەي قۇرىلعى جاساۋ ۇستىندە، دەپ حابارلايدى aqshamnews.kz.
UMC حابارلاۋىنشا، بۇل ترانسپلانتاتتاۋ ناتيجەلەرىن ايتارلىقتاي جاقسارتا الادى.
جوبانىڭ شەڭبەرىندە ماماندار سوعىپ تۇرعان جۇرەكتى، سونداي-اق «تىنىس الاتىن» وكپەنى جانە جۇمىس ىستەيتىن باۋىردى ساقتاۋ ءۇشىن تەحنولوگيالاردى ازىرلەۋدە. بولاشاقتا بۇيرەككە كەڭەيتۋ جوسپارلانۋدا. اعزانى ومىرشەڭ كۇيىندە كەم دەگەندە 24 ساعات ساقتاۋعا بولادى.
ورگانيزمنەن تىس جۇرەك قىزمەتى 29 ساعات بويى ساقتالۋى مۇمكىن ەكەندىگى، كەيىن ءساتتى ترانسپلانتاتتالاتىنى عىلىمي دالەلدەنگەن. بۇگىنگى تاڭدا تەك ءبىر قۇرىلعى - Transmedics كومپانياسىنىڭ امەريكاندىق OCS جۇيەسى اعزالاردىڭ ومىرشەڭدىگىن ءقاۋىپسىز جانە ءتيىمدى ساقتاۋعا مۇمكىندىك بەرەدى.
«ءبىزدىڭ قۇرىلعىمىزدىڭ امەريكاندىقتان باستى ايىرماشىلىعى - بۇل وقشاۋلانعان اعزاعا ۇزاق قولداۋدى بىلدىرەدى جانە امەريكاندىق انالوگتان ايىرماشىلىعى، ءبىزدىڭ جۇيەدە اعزادان تىس تىرشىلىك ەتۋ كەزەڭىندە اعزانى ەمدەۋ كوزدەلگەن جانە ءبىز بۇل اعزانى ۋلترادىبىستىق، تامىرىشىلىك ارتەريالىق زەرتتەۋ ارقىلى ەمدەي الامىز، باعالاي الامىز، بۇل جۇرەكتى نارلەندىرەدى جانە وسىلايشا رەسيپيەنتتىڭ اعزاعا يە بولۋىن جانە ترانسپلانتتاۋدان باس تارتۋ نەمەسە ديسفۋنكسيا ءقاۋپىنىڭ بولماۋىن جانە ەڭ باستىسى ءقاۋىپسىز بولۋىن قامتاماسىز ەتەدى»، — دەدى «University Medical Center» كورپوراتيۆتىك قورىنىڭ «كارديوحيرۋرگيا» كلينيكالىق اكادەميالىق دەپارتامەنتىنىڭ ديرەكتورى تيمۋر لەسبەكوۆ.