ەمدەلۋگە بەرىلگەن 457 513 ءوتىنىش ماقۇلدانعان.
1 قازانداعى مالىمەت بويىنشا، قازاقستاندىقتاردىڭ تۇرعىن ءۇي ساتىپ الۋ جانە ەمدەلۋ تۋرالى 1،9 ميلليونعا جۋىق ءوتىنىشى ماقۇلدانىپ، ارنايى شوتتارعا 3،7 تريلليون تەڭگەگە جۋىق قاراجات اۋدارىلدى، دەپ حابارلايدى Almaty-akshamy.kz بجزق-عا سىلتەمە جاساپ.
ونىڭ ىشىندە 1،4 ميلليون ءوتىنىش تۇرعىن ءۇي جاعدايىن جاقسارتۋ ماقساتىندا زەينەتاقى جيناعىن پايدالانۋدى قامتىدى.
سونداي-اق بجزق ەمدەلۋدى قاراستىراتىن 391،79 ميلليارد تەڭگەگە 457 513 ءوتىنىشتى ماقۇلدادى. الىنعان ورتاشا سوما شامامەن 0،86 ميلليون تەڭگەنى قۇرايدى. قازاقستاندىقتار جولداعان وتىنىشتەردىڭ 96%-دان استامى ستوماتولوگيالىق قىزمەت الۋدى، 2،5%-ى وفتالمولوگيالىق قىزمەت الۋدى قاراستىرعان. زەينەتاقى جيناعىنىڭ 1%-دان از مولشەرى باسقا مەديسينالىق سالالارعا جۇمسالدى.
زەينەتاقى جيناعىن پايدالانۋ بويىنشا تولىق ستاتيستيكانى قور سايتىنداعى "كورسەتكىشتەر" – "ەمدەۋگە ارنالعان ءبىرجولعى زەينەتاقى تولەمدەرى" بولىمىندە كورۋگە بولادى.