بۇل وزگەرىستەر ەكى ەل اراسىنداعى ىنتىماقتاستىقتى نىعايتۋعا مۇمكىندىك بەرەدى.
قازاقستان مەن رەسەي كونسۋلدىق وكرۋگتەردىڭ شەكاراسىن قايتا قاراۋدى جوسپارلاپ وتىر، دەپ حابارلايدى Almaty-akshamy.kz رەسەي قازاقتارىنىڭ فەدەرالدى ۇلتتىق-مادەني اۆتونومياسىنىڭ پرەزيدەنتى ەسەنعالي يبرايەۆتىڭ سوزىنە سىلتەمە جاساپ.
رەسەي فەدەراسياسىنىڭ ورال قالاسىنداعى باس كونسۋلدىعى كونسۋلدىق وكرۋگىنىڭ قۇرامىنان ماڭعىستاۋ وبلىسىنىڭ اۋماعى شىعارىلادى.
قازاقستاننىڭ استراحانداعى باس كونسۋلدىعىنىڭ كونسۋلدىق وكرۋگىنە داعىستان، ينگۋشەتيا، كاباردين-بالقار، قالماقيا، سولتۇستىك وسەتيا-الانيا، شەشەنستان رەسپۋبليكاسى، روستوۆ وبلىسى، كراسنودار جانە ستاۆروپول ولكەلەرى كىرەدى. ورىنبور، سامارا جانە ساراتوۆ وبلىستارىنىڭ اۋماقتارى الىنىپ تاستالدى.
تۇسىندىرمە حاتتا ەنگىزىلىپ جاتقان وزگەرىستەر رەسەي مەن قازاقستان اراسىنداعى ىنتىماقتاستىقتى نىعايتۋعا مۇمكىندىك بەرەتىنى اتالىپ وتكەن.
يبرايەۆ رەسەي تاراپىنىڭ ورالدا جانە قازاقستان تاراپىنىڭ استراحان قالاسىندا كونسۋلدىق اشاتىنى تۋرالى كەلىسىمگە 2000 جىلى قول قويىلعانىن ەسكە سالدى.
قۇجات تاراپتاردىڭ ءوزارا كەلىسىمى بويىنشا وزگەرىستەر ەنگىزۋ مۇمكىندىگىن قاراستىرادى.