9 قاراشادا، سارسەنبىدە ەلىمىزدىڭ كەيبىر وبلىسىندا قولايسىز اۋا رايىنا بايلانىستى ەسكەرتۋ جاريالاندى. "قازگيدرومەت" رمك ماماندارى ەلىمىزدىڭ ءتورت وڭىرىندە قار جاۋىپ، تۇمان ءتۇسىپ، بوران سوعاتىنىن بولجايدى، دەپ حابارلايدى Almaty-akshamy.kz.
تۇندە جانە تاڭەرتەڭ تۇركىستان وبلىسىنىڭ باتىسىندا، تاۋلى ايماعى مەن تاۋ بوكتەرىندە تۇمان، كوكتايعاق بولاتىنى بولجانادى. شىمكەنتتە تۇمان تۇسەدى دەپ كۇتىلەدى. تۇركىستاندا دا تۇندە تۇمان بولادى.
تۇندە سولتۇستىك قازاقستان وبلىسىنىڭ باسىم بولىگىندە قار جاۋادى. وبلىستىڭ سولتۇستىگىندە، شىعىسىندا قار ۇشقىنداپ، بوران سوعادى. كۇندىز وبلىستىڭ سولتۇستىگىندە، شىعىسىندا وڭتۇستىك باتىستان 15-20 م/س جىلدامدىقپەن جەل سوعادى.
پەتروپاۆلدا بوران سوعادى. كۇندىز وڭتۇستىك باتىستان جەل سوعادى، ەكپىنى - 15-20 م/س.
قىزىلوردا وبلىسىنىڭ سولتۇستىگىندە تۇمان تۇسەدى.
تۇندە جانە تاڭەرتەڭ باتىس قازاقستان وبلىسىنىڭ سولتۇستىگىندە، شىعىسىندا، ورتالىعىندا تۇمان تۇسەدى. ورال قالاسىندا تۇندە جانە تاڭەرتەڭ تۇمان بولادى.