37 جاستاعى ەر ادام وقيعا ورنىندا كوز جۇمدى
الماتى پوليسيا دەپارتامەنتى بۇگىن ابىلاي حان داڭعىلى مەن تولە بي داڭعىلىنىڭ قيىلىسىندا بولعان جكو بويىنشا تۇسىنىك بەردى، دەپ حابارلايدى Almaty-akshamy.kz.
ادام ولىمىنە اكەپ سوقتىرعان جول-كولىك وقيعاسى دەرەگىن تەكسەرىپ جاتقان الماتى قالالىق پد انىقتاۋ باسقارماسى مالىمەتىنشە، جكو سىزباسىنا جانە بەينەباقىلاۋ جۇيەلەرىنىڭ تالداۋىنا سايكەس، بۇگىن 14 ساعات 05 مينۋتتا جەكە تاسىمالداۋشىلاردىڭ بىرىنە تيەسىلى «ماز-203069» قوعامدىق كولىگىنىڭ جۇرگىزۋشىسى 1987 جىلى تۋعان ا.ەسىمدى ازامات، ابىلاي حان داڭعىلىمەن وڭتۇستىك باعىتتا كەلە جاتىپ، تولە بي داڭعىلىنىڭ قيىلىسىندا باعدارشامنىڭ تىيىم سالىنعان بەلگىسىنە ءوتىپ كەتىپ، تولە بي داڭعىلىمەن شىعىس باعىتتا كەلە جاتقان «GOLDEN DRAGON XML6125CN» ماركالى قوعامدىق كولىكپەن سوقتىعىسقان.
ونى 1963 جىلى تۋعان ا. ەسىمدى ازامات باسقارعان. سوقتىعىسۋدان كەيىن 98ء-شى باعىتتاعى قوعامدىق كولىكتىڭ جۇرگىزۋشىسى قوزعالىسىن جالعاستىرىپ، جاياۋ جۇرگىنشىلەردى قاعىپ كەتكەن. ونىڭ ناتيجەسىندە جاياۋ جۇرگىنشىلەردىڭ ءبىرى - 37 جاستاعى ەر ادام وقيعا ورنىندا كوز جۇمدى.
اتالعان دەرەك ق ر قك-نىڭ 345-بابى 3-بولىگىنە سايكەس سوتقا دەيىنگى تەرگەۋدىڭ ءبىرىڭعاي تىزىلىمىنە تىركەلدى. ءتيىستى ساراپتامالار تاعايىندالدى.