قازاقستاننىڭ اۆياكومپانيالارىنىڭ اۋە كەمەلەرى پاركى 105 بىرلىكتى قۇرايدى، ونىڭ ىشىندە 8ء-ى بيىل پايدالانۋعا بەرىلگەن جاڭا ۇشاقتار. بۇگىنگى تاڭدا 31 ەلمەن 144 حالىقارالىق باعىت بويىنشا اپتاسىنا 842 رەيس جاسالادى.
سالادا ءىرى ينفراقۇرىلىمدىق جانە ينۆەستيسيالىق جوبالار جۇزەگە اسۋدا. ولار:
ارقالىق اۋەجايى قالپىنا كەلتىرىلىپ جاتىر؛
الماتى قالاسى اۋەجايىن دامىتۋدىڭ باس جوسپارى جانە $362 ملن سوماسىنداعى «TAV Airport Holding» ينۆەستيسيالىق باعدارلاماسى تانىستىرىلدى؛
استانا قالاسى اۋەجايىن دامىتۋ بويىنشا جالپى سوماسى 547 ملرد تەڭگەگە ينۆەستيسيالار تۋرالى كەلىسىم جاسالدى؛
«قورعاس - شىعىس قاقپاسى» اەا-دا جۇك-جولاۋشىلار اۋەجايىن سالۋ بويىنشا جالپى سوماسى 250 ملرد تەڭگەگە ينۆەستيسيالار تۋرالى كەلىسىم جاسالدى؛
قازاقستان رەسپۋبليكاسىنىڭ ازاماتتىق پيلوتسىز اۆياسياسىن دامىتۋدىڭ 2025-2031 جىلدارعا ارنالعان تۇجىرىمداماسى قابىلداندى.
ىشكى نارىققا جاڭا اۆياتاسىمالداۋشىلار كىردى. بۋداپەشت، شانحاي، سەۋل، گۋانچجوۋ، ميۋنحەن سياقتى جانە تاعى دا باسقا ءىرى قالالارعا رەيستەردى قوسا العاندا، 35-تەن استام جاڭا مارشرۋتتار اشىلدى؛
ەلىمىزدەن 144 حالىقارالىق باعىت بويىنشا اپتاسىنا 842 رەيس قاتىنايدى
- اۆتور aqshamnews.kz
- 09:52، 28 قازان 2025
ەلەونورا ياكيا