كەيىنگى جىلدارى قازاقستاندا ەكولوگيالىق تۋريزمگە دەگەن قىزىعۋشىلىق تۇراقتى تۇردە ارتىپ كەلەدى. ماسەلەن، 2022 جىلى ەكوتۋريستەر سانى 2 ميلليون ادامعا جەتسە، 2024 جىلى بۇل كورسەتكىش 2،8 ميلليونعا كوبەيىپ، 40%-عا ءوستى. ال 2023 جىلى ەكوتۋريستەر سانى 2،4 ميلليون ادام بولعان.
ساياحاتشىلار اراسىندا الماتى ماڭىنداعى ۇلتتىق پاركتەر، اتاپ ايتقاندا، ىلە-الاتاۋ ۇلتتىق پاركى، شارىن شاتقالى، التىنەمەل جانە كولساي كولدەرى ەڭ كوپ سۇرانىسقا يە باعىتتار سانالادى.
بۇگىندە ەلىمىزدەگى 14 ۇلتتىق ساياباق تۇراقتى تۋريزم قاعيداتتارىنا ساي ينفراقۇرىلىمدى دامىتۋ باعىتىندا جۇمىس ىستەپ كەلەدى. تۋريستەردىڭ جايلى دەمالىسى ءۇشىن ۆيزيت-ورتالىقتار، كەمپينگتەر، گلەمپينگتەر جانە وزگە دە نىساندار سالىنۋدا. كەيىنگى جىلدارى تاعى 8 زاماناۋي ۆيزيت-ورتالىق پايدالانۋعا بەرىلدى. ولار اقپاراتتىق جۇيەلەرمەن، باعىتتار كورسەتىلگەن ناۆيگاسيامەن جانە نەگىزگى ينفراقۇرىلىممەن جابدىقتالعان.
بۇل ورتالىقتار كەلۋشىلەرگە تابيعي ەكوجۇيە، جابايى جانۋارلار مەكەنى، ارنايى مارشرۋتتار مەن قورعالاتىن اۋماقتا ءجۇرۋ ەرەجەلەرى جونىندە اقپارات ۇسىنادى.
ەكوتۋريزمدى دامىتۋ – تابيعي مۇرانى ساقتاۋعا، ەلدىڭ تۋريستىك الەۋەتىن ارتتىرۋعا جانە وڭىرلەردىڭ تۇراقتى دامۋىنا ۇلەس قوسادى.