قازاقستاندىق وقۋشى ورتا ازيا بويىنشا ينفورماتيكادان ۇزدىك دەپ تانىلدى 

7–13 مامىر ارالىعىندا تاشكەنت قالاسىندا ماتەماتيكا جانە ينفورماتيكا پاندەرىنەن III حالىقارالىق ال-حورەزمي وليمپياداسى ءوتتى، دەپ حابارلايدى aqshamnews.kz

شىعىس قازاقستان وبلىسىنان «ءبىلىم-يننوۆاسيا» مەكتەپ-ليسەيىنىڭ 9-سىنىپ وقۋشىسى الديار امانگەلدى التىن مەدال جەڭىپ الىپ، توعىز ەلدەن كەلگەن 200-دەن استام دارىندى وقۋشىلار اراسىنان ەڭ ۇزدىك قاتىسۋشى اتاندى.  

ءبىزدىڭ ەلدىڭ قۇراماسى 100% ناتيجەگە قول جەتكىزدى – التى قاتىسۋشىنىڭ بارلىعى جۇلدەمەن ورالدى:  

الديار امانگەلدى – وسكەمەن قالاسىنان «ءبىلىم-يننوۆاسيا» ليسەيىنىڭ 9-سىنىپ وقۋشىسى؛  

ءالي مەندەكە – سەمەي قالاسىنان «ءبىلىم-يننوۆاسيا» ليسەيىنىڭ 9-سىنىپ وقۋشىسى؛  

مەيىربەك مۇرات – ورال قالاسىنان ءنزم-نىڭ 9-سىنىپ وقۋشىسى؛  

مەدەۋ جۇباتىروۆ – اقتاۋ قالاسىنان «ءبىلىم-يننوۆاسيا» ليسەيىنىڭ 8-سىنىپ وقۋشىسى؛  

ايدايبەك ابدۋراحمان – تاراز قالاسىنان «ءبىلىم-يننوۆاسيا» ليسەيىنىڭ 9-سىنىپ وقۋشىسى؛  

نۇريسلام دۇيسەنعالي – الماتى قالاسىنان ءرفمم-نىڭ 9-سىنىپ وقۋشىسى.  

كوماندانىڭ جاتتىقتىرۋشىلارى — يبراگيم يباتۋلين مەن جامبىل ماكسوتوۆ.  

ال-حورەزمي وليمپياداسى ورتالىق ازيا جاستارىنىڭ زياتكەرلىك الەۋەتىن دامىتۋعا جانە ناقتى عىلىمداردى ناسيحاتتاۋعا باعىتتالعان. وتكەن جىلى ءبىزدىڭ وقۋشىلار 4 مەدال جەڭىپ العان بولاتىن.