ازاماتتارعا جۇمىسپەن قامتۋعا جاردەمدەسۋدىڭ مەملەكەتتىك شارالارىن ۇسىناتىن SMS-حابارلامالار جىبەرىلەدى.
ەڭبەك جانە حالىقتى الەۋمەتتىك قورعاۋ ءمينيسترى تامارا دۇيسەنوۆا 2022 جىلى اتقارىلعان جۇمىس ناتيجەسى مەن 2023 جىلعا ارنالعان مىندەتتەر بويىنشا حالىقتى جۇمىسپەن قامتۋ شارالارى تۋرالى باياندادى، دەپ حابارلايدى Almaty-akshamy.kz
ۆەدومستۆو وكىلدەرىنىڭ مالىمەتىنشە، ءىس-شاراعا پرەمەر-مينيستر ءاليحان سمايىلوۆ، پرەمەر-مينيستردىڭ ورىنباسارى التاي كولگىنوۆ، سونداي-اق پارلامەنت دەپۋتاتتارى، وبلىستار مەن رەسپۋبليكالىق ماڭىزى بار قالالار اكىمدەرىنىڭ ورىنباسارلارى، ورتالىق مەملەكەتتىك ورگاندار، كاسىپوداقتار فەدەراسياسى، «اتامەكەن» ۇكپ، حالىقارالىق ۇيىمدار جانە ۇەۇ وكىلدەرى قاتىستى.
تامارا دۇيسەنوۆا مينيسترلىكتىڭ الەۋمەتتىك-ەڭبەك سالاسىنداعى قابىلداناتىن شارالارىنىڭ تيىمدىلىگىن ارتتىرۋعا باعىتتالعان 2023-2027 جىلدارعا ارنالعان دامۋ جوسپارىنىڭ 5 ستراتەگيالىق باعىتى تۋرالى باياندادى.
ءۇشىنشى ستراتەگيالىق باعىت – ازاماتتاردى جۇمىسپەن قامتۋعا جاردەمدەسۋ. قازىرگى گەوساياسي جاعداي، جاستاردىڭ ەداۋىر اعىنى، كۇتىلەتىن جۇمىستان بوساتۋ جانە جاڭا جۇمىس ورىندارىنىڭ از گەنەراسياسى ۇلتتىق ەڭبەك نارىعىنىڭ نەگىزگى سىن-قاتەرلەرى جانە حالىقتىڭ ناقتى تابىسىنا اسەر ەتەتىن فاكتورلار بولىپ تابىلادى. سوندىقتان مينيسترلىك جۇمىسىنىڭ وسى باعىتىنىڭ باستى ماقساتى وتباسىنىڭ كەمىندە ءبىر مۇشەسىن رەسمي جۇمىسپەن قامتاماسىز ەتۋ جانە ونىڭ الەۋمەتتىك قامسىزداندىرۋ جۇيەسىنە قاتىسۋى بولىپ ايقىندالدى. نەگىزگى ناتيجە جىل ىشىندە جاستاردى، جۇمىسپەن قامتىلماعان ازاماتتاردى جانە مۇگەدەكتىگى بار ادامداردى قوسا العاندا شامامەن 1 ملن ادامدى جۇمىسقا ورنالاستىرۋ، – دەدى ەحاقم باسشىسى.
مينيستر وتباسىنىڭ سيفرلىق كارتاسىنان الىنعان دەرەكتەر نەگىزىندە كەلەسىدەي نەگىزگى نىسانالى كونتينگەنت قالىپتاستىرىلاتىنىن حابارلادى: ەكى جانە ودان دا كوپ جۇمىسپەن قامتىلماعان ەڭبەككە قابىلەتتى مۇشەلەرى بار وتباسىلار؛ جۇمىس ىستەمەيتىن جاستار؛ دەنساۋلىق جاعدايى بويىنشا جۇمىس ىستەۋگە قابىلەتتى مۇگەدەكتىگى بار ادامدار. ولارعا جۇمىسپەن قامتۋعا جاردەمدەسۋدىڭ مەملەكەتتىك شارالارىن ۇسىناتىن SMS-حابارلامالار جىبەرىلەدى. شاراعا قاتىسۋعا كەلىسىم بەرگەن ازاماتتاردىڭ ىشىنەن وڭىرلەردە جۇمىسقا ورنالاساتىن ادامداردىڭ ءتىزىلىمى قالىپتاستىرىلادى.
جەرگىلىكتى اتقارۋشى ورگاندار 15 قاڭتارعا دەيىن وسى كونتينگەنتپەن جۇمىس ىستەۋگە باعدارلانعان وڭىرلىك جۇمىسپەن قامتۋ كارتالارىن بەكىتەتىن بولادى.
«جالپى، رەسپۋبليكا بويىنشا بيىل سالالىق تۇجىرىمدامالار مەن ۇلتتىق جوبالار شەڭبەرىندە 75 مىڭعا جۋىق جۇمىس ورنىن، قارجىلاندىرۋ كولەمى 131 ملرد تەڭگەنى قۇرايتىن مەملەكەت سۋبسيديالايتىن 150 مىڭنان استام جۇمىس ورنىن قۇرۋ جوسپارلانىپ وتىر. 780 مىڭ ادامدى جەكە باستامالار شەڭبەرىندە جانە جۇمىس بەرۋشىلەردىڭ بوس جۇمىس ورىندارىنا ورنالاستىرۋ جوسپارلانعان. قۇرىلاتىن جۇمىس ورىندارىنىڭ جالپى سانىنىڭ شامامەن 20%-ى جاستار مەن مۇگەدەكتىگى بار ادامداردى جۇمىسقا ورنالاستىرۋعا باعىتتالادى. بۇدان باسقا، 6 مىڭ جاس ازاماتقا 5 جىلعا جىلدىق مولشەرلەمەسى 2،5% بولاتىن 5 ملن تەڭگەگە دەيىنگى جەڭىلدىكتى ميكروكرەديتتەر بەرىلەتىن بولادى. ەرەكشە قاجەتتىلىكتەرى بار جاستارعا جانە حالىقتىڭ الەۋمەتتىك وسال توپتارىنان شىققان ازاماتتارعا 1،2 ملن تەڭگە مولشەرىندە 9 مىڭ گرانت بەرىلەدى. زەينەتكەرلىك جاسقا دەيىنگى ادامدار ءۇشىن «كۇمىس جاس» جوباسىن ىسكە اسىرۋ جالعاسا بەرەدى. جوبا اياسىندا جىل سايىن كەمىندە 15 مىڭ ادام جۇمىسپەن قامتىلادى»، – دەدى تامارا دۇيسەنوۆا.
ەحاقم باسشىسى سونداي-اق وتكەن جىلى ەلەكتروندىق ەڭبەك بيرجاسىندا (بۇدان ءارى – ەەب) ءبىرقاتار ءىرى كومپانيالارمەن بىرلەسىپ جۇمىسقا قابىلداۋدىڭ پيلوتتىق جوباسى ىسكە اسىرىلعانىن اتاپ ءوتتى. بۇل جۇمىس وسى جىلى دا جالعاسادى، 15 اقپانعا دەيىن 20 ءىرى وتاندىق كومپانيامەن ءتيىستى مەموراندۋمدار جاساۋ جوسپارلانۋدا.
وڭىرلەردە دە وسى باستامانى قولعا الىپ، سول ارقىلى ەەب-عا ۇسىنىلعان كاسىپورىندار مەن بوس جۇمىس ورىندارىنىڭ تىزبەسىن كەڭەيتۋدى ۇسىنامىز. بۇل جۇمىس بەرۋشىلەرگە مامانداردى ىزدەۋدى جەڭىلدەتەدى، ىزدەنۋشىلەر ءۇشىن – بوس جۇمىس ورىندارىنا قولجەتىمدىلىكتى كەڭەيتەدى، سونداي-اق وڭىرلىك كادرلار اعىنىنا سەرپىن بەرەدى، – دەدى تامارا دۇيسەنوۆا.
ول وتكەن جىلدىڭ 3 ايىندا عانا ەەب ارقىلى 11 مىڭنان استام ادام باسقا وڭىرلەردە ءوز بەتىنشە جۇمىسقا ورنالاسقانىن ايتتى. بۇل رەتتە مينيسترلىك حالىقتىڭ ىشكى ۇتقىرلىعىن ىنتالاندىرۋ ءۇشىن ازاماتتاردى ەڭبەك كۇشى ارتىق وڭىرلەردەن ەڭبەك كۇشى تاپشى وڭىرلەرگە كوشىرۋ تاسىلدەرى وزگەرتىلدى.
«باستى شارت – جۇمىس ورىندارىنىڭ بولۋى جانە تۇرعىن ۇيمەن قامتاماسىز ەتۋ مۇمكىندىگى. ءقازىر قابىلداۋشى وڭىرلەردىڭ اكىمدەرى كاسىپورىندار بولىنىسىندە سۇرانىسقا يە كاسىپتەرى بار كادرلارعا قاجەتتىلىكتەر جانە ەڭبەك كۇشى ارتىق وڭىرلەردەن كەلەتىندەر مەن قانداستار ءۇشىن الەۋمەتتىك پاكەت ءتۇرى كورسەتىلەتىن جول كارتالارىن دايىنداۋدى اياقتاپ جاتىر. سونداي-اق، ماڭعىستاۋ وبلىسىندا سىناقتان وتكەن ەتنيكالىق قازاقتاردى قابىلداۋ الگوريتمىنە نازار اۋدارعىم كەلدى. وعان سايكەس جۇمىس بەرۋشى راستاعان جۇمىسقا شاقىرۋلارى بار ەتنيكالىق قازاقتار كاسىپورىننىڭ ورنالاسقان جەرى بويىنشا وڭىرگە ۆيزا الادى، ەلگە بۇرىن كەلگەن وتباسى مۇشەلەرى، ەتنيكالىق قازاقتار وزدەرى تۇراتىن وڭىرگە جىبەرىلەدى، قالعان ساناتتار جەرگىلىكتى اتقارۋشى ورگاندارمەن كەلىسىم بويىنشا قونىستاندىرۋ وڭىرلەرىنە جىبەرىلەدى»، – دەپ مالىمدەدى مينيستر.
تامارا دۇيسەنوۆا حالىقتى جۇمىسپەن قامتۋ ورتالىقتارىنىڭ الداعى ترانسفورماسياسى تۋرالى دا ايتتى. جاڭا قۇرىلىم قالىپتاستىرىلاتىن بولادى: وڭىرلەر دەڭگەيىندە بەك-وفيس فۋنكسياسىن ەڭبەك ۇتقىرلىعى ورتالىقتارى ورىندايتىن بولادى، اۋداندار مەن قالالار دەڭگەيىندە فرونت-وفيستەر مانساپتىق ورتالىقتارعا اينالدىرىلعان جۇمىس ىستەپ تۇرعان جۇمىسپەن قامتۋ ورتالىقتارى بولادى. سونداي-اق ورتالىقتار كورسەتەتىن قىزمەتتەر ءۇشىن تاريفتەر بەلگىلەنەدى، قىزمەتكەرلەردىڭ ەڭبەگىنە اقى تولەۋ جۇمىسقا ورنالاستىرىلعان ازاماتتاردىڭ سانىنا تىكەلەي بايلانىستى بولادى.
ترانسفورماسيانى پيلوتتىق سىناقتان وتكىزۋ بيىل ەلىمىزدىڭ ءۇش وڭىرىندە باستالادى. ولار - استانا قالاسى، قاراعاندى جانە تۇركىستان وبلىستارى.