بۇل تۋرالى ق ر پرەمەر-مينيسترى ءاليحان سمايىلوۆ ايتتى، دەپ حابارلايدى Almaty-akshamy.kz قازاقپاراتقا سىلتەمە جاساپ.
«مەملەكەت باسشىسىنىڭ تاپسىرماسى بويىنشا الداعى 5 جىلعا ارنالعان كوشى-قون ساياساتىنىڭ تۇجىرىمداماسى قابىلداندى. ءبىز تۇجىرىمدامانىڭ ءىس-قيمىل جوسپارىن ساپالى ىسكە اسىرۋىمىز كەرەك. اسىرەسە، شەتەلدەردە جۇمىس ىستەپ جۇرگەن قازاقستان ازاماتتارىنىڭ قۇقىقتارىن قورعاۋعا ەرەكشە نازار اۋدارۋ كەرەك»، - دەدى ۇكىمەت باسشىسى بۇگىن ەڭبەك جانە حالىقتى الەۋمەتتىك قورعاۋ مينيسترلىگىنىڭ كەڭەيتىلگەن القا ماجىلىسىندە.
وسى ورايدا پرەمەر-مينيستر بىرىككەن اراب امىرلىكتەرىمەن جانە وڭتۇستىك كورەيامەن قازاقستاندىق جۇمىسكەرلەردىڭ قۇقىقتارىن قورعاۋ جونىندە كەلىسىمگە قول جەتكىزىلمەي وتىرعانىنا بىرنەشە جىل بولعاندىعىن باسا ايتتى.
«وسى جۇمىستى اياقتاۋ ءۇشىن سىرتقى ىستەر مينيسترلىگىمەن بىرلەسە شۇعىل ءىس-شارالاردى قابىلداۋ كەرەك»، - دەدى ءاليحان سمايىلوۆ.