الەۋمەتتىك وتكىر تاقىرىپتاردى تاراتۋدا قوعام الدىنداعى جاۋاپكەرشىلىكتى ۇمىتپاعان ءجون
ق ر اقپارات جانە قوعامدىق دامۋ ءمينيسترى ايدا بالايەۆا باق-تا وتكىر الەۋمەتتىك تاقىرىپتاردى تاراتۋعا قاتىستى ءوز پىكىرىن ءبىلدىردى، دەپ حابارلايدى almaty-akshamy.kz قازاقپارات تىلشىسىنە سىلتەمە جاساپ.
ءقازىر ەلوردادا «Astana Media Week – 2021» جىل سايىنعى مەديااپتالىعى ءوتىپ جاتىر. اۋقىمدى مەدياشارانىڭ اياسىندا «وتكىر الەۋمەتتىك تاقىرىپتاردى ءتۇسىندىرۋ ەرەكشەلىكتەرى» تاقىرىبىندا دوڭگەلەك ۇستەل ءوتتى.
«وتكىر الەۋمەتتىك تاقىرىپتاردى تاراتۋدا حالىقارالىق تاجىريبەگە سۇيەنسەك، ولاردا ارنايى قۇجات بار. دەگەنمەن وتكىر الەۋمەتتىك تاقىرىپتاردى تاراتۋدى رەتتەيتىن قۇجات بارلىق باق-تا بىردەي ەمەس. مىسالى، BBC- ءدىڭ ستاندارتى بويىنشا، اقپارات تاراتۋشى ونىڭ راستىعىنا، وبەكتيۆتىلىگىنە، جەكە پىكىرىن قوسپاي، ەميسياسىز جەتكىزۋدە حالىق الدىندا جاۋاپتى. The New Work Timesء-تىڭ پرينسيپتەرى بويىنشا ءتىلشى جۇمىس بارىسىندا ءوزىنىڭ ساياسي ۇستانىمى مەن پىكىرىن بىلدىرۋگە نەمەسە بىرەۋدىڭ جەكە باسىنا نۇقسان كەلتىرۋگە رۇقسات جوق. سول سياقتى اتالعان باسىلىمنىڭ تىلشىلەرىنە بەيرەسمي دەرەكتەردى قولدانۋعا قاتاڭ تىيىم سالىنعان. وسى ماسەلە بويىنشا ءوز ەلىمىزگە كەلسەك، وتكەن جىلعى جۇرگىزىلگەن مونيتورينگ ناتيجەسىندە وتاندىق ب ا ق بەتتەرىندە 500-دەن استام ماتەريال انىقتالدى. ول ماتەريالداردا وتكىر الەۋمەتتىك تاقىرىپتاردى تاراتۋدا قۇقىقبۇزۋشىلىق ورىن العان»، - دەدى ايدا بالايەۆا.
ءمينيستردىڭ ايتۋىنشا، ەلىمىزدە ب ا ق تۋرالى زاڭدى بۇزعان 6 شەتەلدىك سايتتىڭ جۇمىسى توقتاتىلدى.
«باق-تا الەۋمەتتىك تاقىرىپتى تاراتۋ، ەل قوعامىندا ماڭىزدى ءرول اتقارادى. جوعارىدا اتالعان زاڭ بۇزۋشىلىقتار تۋرالى ولاردىڭ باسشىلىعىنا رەسمي حات جىبەرىلىپ، قاتەلىكتى جويۋ كەرەكتىگى ەسكەرتىلدى. تاعى ءبىر ايتىپ وتەتىن جايت، زاڭ تەك ب ا ق وكىلدەرىنە ارنالماعان، جالپى حالىققا ارنالعان. سوندىقتان الەۋمەتتىك وتكىر تاقىرىپتاردى تاراتۋدا زاڭنان بولەك، ادەپ، قوعام الدىنداعى جاۋاپكەرشىلىكتى ۇمىتپاعان ءجون»، - دەيدى ول.