گەرمانياداعى سايلاۋدىڭ ەكزيت-پول ناتيجەسى بويىنشا، سوسيال-دەموكراتيالىق پارتيا كوش باستاپ تۇر
گەرمانيانىڭ سوسيال-دەموكراتيالىق پارتياسىنىڭ اتىنان ۇسىنىلعان ۇمىتكەر فرانسيسكا گيفاي بەرلين مەرى (بۋرگوميسترى) لاۋازىمىنداعى العاشقى ايەل بولماق، دەپ حابارلايدى Almaty-akshamy.kz ريا نوۆوستي-عا سىلتەمە جاساپ.
مۇنداي دەرەك سايلاۋدىڭ الدىن الا مالىمەتتەرىندە ايتىلعان. ونىڭ ناتيجەسى بويىنشا، گەرمانيا استاناسىندا گسدپ جەڭىسكە جەتكەن.
گيفايدى گەرمانيانىڭ سوسيال-دەموكراتيالىق پارتياسىنىڭ گەرمانياداعى ءبولىمى بەرلين وكىلدەر پالاتاسىنا جانە بۋرگوميسترلەرگە كانديدات رەتىندە سايلاۋالدى تىزىمدە كوشباسشى ەتىپ ۇسىندى. قازىرگى ۋاقىتتا بەرليندە بۋرگوميستر قىزمەتىن باسقا تانىمال سوسيال-دەموكرات ميحاەل ميۋللەر اتقارۋدا.
فرانسيسكا گيفاي گەرمانيانىڭ وتباسى، قارت ازاماتتار، ايەلدەر جانە جاستار ىستەرى بويىنشا مينيستر قىزمەتىندە بولعان، ءبىراق ءوزىنىڭ عىلىمي دارەجەسى توڭىرەگىندە بولعان داۋ-دامايعا بايلانىستى وتستاۆكاعا كەتۋگە ءوتىنىش بەرگەن.