تۇركىستان قالاسىندا تۇركىتىلدەس مەملەكەتتەردىڭ پارلامەنتتىك اسسامبلەياسىنىڭ XX پلەنارلىق وتىرىسىنا دايىندىق باستالدى، دەپ حابارلايدى almaty-akshamy.kz «حابار 24» سىلتەمە جاساپ.
27-28 قىركۇيەك كۇندەرى وتەتىن تۇركىتىلدەس ەلدەر پارلامەنتشىلەرىنىڭ فورۋمىنا ازەربايجان، قازاقستان، قىرعىزستان جانە تۇركيا پارلامەنتتەرىنىڭ باسشىلارى قاتىسادى.
تۇركىتىلدەس مەملەكەتتەردىڭ پارلامەنتتىك اسسامبلەياسىنىڭ مەرەيتويلىق XX پلەنارلىق وتىرىسىنا وزبەكستان مەن ۆەنگريانىڭ پارلامەنت وكىلدەرى دە شاقىرىلدى. باسقوسۋدا العاشقى ونجىلدىقتا اتقارىلعان جۇمىستاردىڭ ناتيجەسى مەن مەملەكەتتەر اراسىنداعى ىنتىماقتاستىقتى ودان ءارى دامىتۋ جولدارى تالقىلانادى.
ايتا كەتەيىك، تۇركىتىلدەس مەملەكەتتەردىڭ پارلامەنتتىك اسسامبلەياسى 2008 جىلى ەلىمىزدىڭ تۇڭعىش پرەزيدەنتى نۇرسۇلتان نازاربايەۆتىڭ باستاماسىمەن قۇرىلعان بولاتىن.