ق ر دەنساۋلىق ساقتاۋ مينيسترلىگى ەلدەگى العاشقى بالالارعا ونكولوگيالىق جانە گەماتولوگيالىق كومەكتى ۇيىمداستىرۋ ستاندارتىن ازىرلەپ، بەكىتتى.
دەنساۋلىق ساقتاۋ ءمينيسترىنىڭ بۇيرىعىمەن بەكىتىلگەن قۇجات ونكولوگيالىق جانە گەماتولوگيالىق اۋرۋلارى بار بالالاردى دياگنوستيكالاۋ مەن ەمدەۋدىڭ ساپاسىن مەديسينالىق كومەكتىڭ بارلىق دەڭگەيلەرىندە — باستاۋىشتان مامانداندىرىلعانعا دەيىن جاقسارتۋعا باعىتتالعان.
بۇگىندە قازاقستاندا ديسپانسەرلىك ەسەپتە قاتەرلى ىسىكتەردىڭ رەميسسياسىندا 4 000-عا جۋىق بالا بار جانە جىل سايىن 600-گە دەيىن جاڭا جاعداي انىقتالادى.
بالالار ونكولوگياسى مەن گەماتولوگياسىنىڭ اۋرۋلارى ەرەكشە ءتاسىلدى قاجەت ەتەدى، ويتكەنى ولار قۇرىلىمى، ناتيجەلەرى جانە ەمدەۋ ادىستەرى بويىنشا ەرەسەكتەردەن ەرەكشەلەنەدى. جاڭا ستاندارت كىشكەنتاي پاسيەنتتەرگە كەشەندى جانە ءتيىمدى كومەك كورسەتۋ ءۇشىن بارلىق تالاپتار مەن ۇسىنىمداردى ءبىرىنشى رەت ءبىر قۇجاتقا بىرىكتىرەدى.
ستاندارت يممۋنوگيستوحيميا جانە يممۋنوفەنوتيپتەۋ سياقتى دياگنوستيكانىڭ وزىق ادىستەرىن، سونداي-اق جوعارى دوزالى حيميوتەراپيانى، اعزانى ساقتايتىن وپەراسيالاردى جانە گەموپوەزدىك ءدىڭ جاسۋشالارىن ترانسپلانتاتتاۋدىڭ بارلىق تۇرلەرىن قولدانۋدى كوزدەيدى. بۇل اۋرۋلاردى تەزىرەك جانە ءدال انىقتاۋعا جانە ءتيىمدى ەمدەۋگە مۇمكىندىك بەرەدى.
بالالاردى دياگنوستيكالاۋ جانە ەمدەۋ ونكولوگ -مامانداردىڭ، حيرۋرگتاردىڭ، رەانيماتولوگتاردىڭ جانە باسقا دا دارىگەرلەردىڭ مۋلتيديسيپلينالىق كوماندانىڭ قاتىسۋىمەن كوپبەيىندى بالالار ستاسيونارلارىندا جۇزەگە اسىرىلاتىن مىندەتتى كوپ دەڭگەيلى ءتاسىل العاش رەت ەنگىزىلدى. بۇل ءاربىر بالاعا جان-جاقتى مەديسينالىق كومەك كورسەتەدى.
ستاندارتتا بالالار ەمدەلەتىن مەديسينالىق ۇيىمداردى جاراقتاندىرۋعا، سونداي-اق باقىلاۋ كولەمى مەن مەرزىمدەرىنە ناقتى تالاپتار بەلگىلەنگەن. وسى تالاپتاردى ەنگىزۋ بۇكىل ەل بويىنشا ەمدەۋ ساپاسىنىڭ بىردەي جوعارى دەڭگەيىن قامتاماسىز ەتۋگە كومەكتەسەدى. سونداي-اق، اۋرۋحانادا بولۋ مەرزىمىن قىسقارتۋ جانە ۇيگە جاقىن ەمدەۋ مۇمكىندىگى سياقتى وتباسىلارعا جۇكتەمەنى ازايتۋ شارالارى كوزدەلگەن.
جاڭا ستاندارتتى ىسكە اسىرۋ بالالار ونكولوگياسى مەن گەماتولوگياسى سالاسىنداعى وتاندىق دەنساۋلىق ساقتاۋ جەتىستىكتەرىن كۇشەيتۋگە جانە نىعايتۋعا مۇمكىندىك بەرەدى.