قازاقستاندا كومىر ەكسپورتىنان تۇسەتىن كىرىس كولەمى ەكى ەسەگە ءوستى.
جىل باسىنان بەرى 7 ايدا 19 ملن توننادان استام كومىر جونەلتىلدى. بۇل وتكەن جىلدىڭ سايكەس كەزەڭىمەن سالىستىرعاندا 22%-عا كوپ، دەپ حابارلايدى Almaty-akshamy.kz.
مۇنداي مالىمەتتەردى ءبىرىنشى كرەديتتىك بيۋرو كەلتىرىپ وتىر. ساراپشىلار ەكسپورت كولەمىنىڭ ارتۋىنا ءقازىر ەنەرگەتيكالىق داعدارىس بولىپ جاتقان ەۋروپادان كەلەتىن كومىرگە دەگەن سۇرانىسپەن بايلانىستىرادى. نەگىزگى باعىتتاردىڭ ءبىرى – شۆەيساريا.
مۇندا جەتكىزىلىم ەكى ەسەگە ءوستى. پولشاعا جونەلتىلەتىن ەكسپورت كولەمى 127 ەسە ارتتى. ال، بولگارياعا جەتكىزىلىم بىردەن 860 ەسەگە ارتتى. كيپر مەن بەلگيا دا قازاقستاندىق كومىردى بەلسەندى ساتىپ الۋشىلاردىڭ قاتارىندا. شەكارالاس ەلدەرگە كەلسەك، قازاقستان قارا وتىننىڭ باسىم بولىگى كورشىلەس رەسەيگە ەكسپورتتالادى. رەسەي فەدەراسياسىنا جەتكىزىلەتىن ەكسپورت كولەمى بيىل شامامەن 12% ءوستى.