الماتىلىقتار نازارىنا!
ەلىمىزدىڭ ەڭ ءىرى مەگاپوليسى الماتىنىڭ 2 ملن-عا جۋىق تۇرعىنى ورتاق ءۇيىمىز- اسەم قالامىزدىڭ كوركەيۋىنە وزىندىك ۇلەسىن قوسۋدا. تاڭمەن تالاسىپ اۋلا سىپىرۋشى كوشەلەردى تازالاسا، كۇندەلىكتى ءبىز باراتىن وقۋ ورنىندا، ەمحانادا، جۇمىستا ءسىزدى ارداقتى ۇستاز، اق حالاتتى ابزال جاندار، ارىپتەستەر قارسى الادى. بارلىعى دا قوعام ءۇشىن ايانباي ەڭبەك ەتۋدە.
ال ءبىز ولاردىڭ ەڭبەگىن ەلەپ، باعالايمىز با؟ ولار بولسا الاڭسىز، ماراپات پەن ماداقسىز-اق، ءوز ءىسىن جالعاستىرىپ كەلەدى.
ەندەشە، الماتىلىقتار بىرىگىپ، ءوز قاھارماندارىمىزدى تابايىق! ءار الماتىلىق سۇيىكتى قالامىزدىڭ اجىراماس بولىگى، باعالى تۇرعىنى.
الماتى قالاسى قوعامدىق دامۋ باسقارماسىنىڭ جوبالىق كەڭسەسى مەگاپوليستىڭ دامۋىنا ۇلەس قوسىپ جۇرگەن تۇلعالاردىڭ تانىلۋىن ارتتىرۋ ماقساتىندا «الماتى تۇلعالارى» بايقاۋىن جاريالايدى.
بايقاۋ 2022 جىلدىڭ 16 قىركۇيەگى مەن 10 قازانى ارالىعىندا سىرتتاي وتكىزىلىپ، وندا الماتى قالاسىندا تۇراتىن 18 جاستان اسقان كەز كەلگەن ادام ب ا ق سىناي الادى.
سايىسقا قاتىسۋ ءۇشىن نە ىستەۋ كەرەك؟
- كەيىپكەر تۋرالى شاعىن بەينە-روليك ءتۇسىرىڭىز، العان اسەرىڭىزبەن ءبولىسىڭىز نەمەسە كەيىپكەر (تۇلعا) تولىق سيپاتتالعان سۋرەت جىبەرىڭىز.
- بەينەروليكتى YouTube سايتىنا (https://www.youtube.com/channel/UCwq61pfzyfrRcEI_xRrOF9g/channels) ورنالاستىرىڭىز نەمەسە Almaty.tulgalary@gmail.com پوشتاسىنا «الماتى تۇلعالارى» بەلگىسىمەن جىبەرىڭىز.
سونداي-اق، دايىن جۇمىستاردى Instagram جەلىسىندە – Almaty_tulgalary؛ Tik Tok - Almaty_tulgalary حەشتەگىمەن؛ Facebook - https://www.facebook.com/almaty_tulgalary-100127016197420 جاريالاۋعا بولادى.
ۆيدەو مەن فوتوداعى ماتىندە بالاعات سوزدەر مەن ءۇشىنشى تاراپ رەسۋرستارىنا سىلتەمەلەر بولماۋى كەرەك، ءبىر ادام ءبىر عانا كونكۋرستىق جۇمىس ۇسىنا الادى. بەينەجازبانىڭ ۇزاقتىعى 20 (جيىرما) سەكۋندتان كەم ەمەس جانە 40 سەكۋندتان اسپاۋى ءتيىس، سونىمەن قاتار سۋرەت 720 dرi كەم ەمەس ساپامەن كولدەنەڭ تۇردە بەرىلۋى كەرەك.
بەينە شولۋ كونكۋرس ءۇشىن ارنايى جاسالۋى ءتيىس، باسقا اۆتورلاردىڭ جۇمىسىن، سونىڭ ىشىندە اۆتورلىق قۇقىقپەن قورعالعان اۋديوۆيزۋالدى تۋىندىلارىن كوشىرۋگە تىيىم سالىنادى. ءاربىر جۇمىستا № 1 قوسىمشاعا سايكەس: جۇمىستىڭ اتى، قاتىسۋشىنىڭ ءاتى-جونى كورسەتىلۋى كەرەك.
بايقاۋ قورىتىندىسى 2022 جىلدىڭ 15 قازانىندا الەۋمەتتىك جەلىلەر مەن «الماتى» تەلەارناسىندا شىعارىلىپ، جاريالانادى. جەڭىمپازدار باعالى سىيلىقتار مەن ديپلومعا يە بولادى. بايقاۋ تالاپتارىنا ساي كەلەتىن جۇمىستاردىڭ بارلىعى سايت پەن YouTube ارناسىندا جاريالانادى، ال ەڭ قىزىقتىلارى الەۋمەتتىك جەلىلەرگە سالىنادى.