قازاقستاننىڭ ءبىرىنشى، الەمنىڭ 7-راكەتكاسى ەلەنا رىباكينا توكيو (جاپونيا) WTA 500 ءتۋرنيرىنىڭ شيرەك فينالىنا شىقتى، - دەپ حابارلايدى aqshamnews.kz ءتىلشىسى.
جارىستىڭ 2-راكەتكاسى بولىپ تىركەلگەن رىباكينا ەكىنشى اينالىمدا دۇنيەجۇزىلىك رەيتينگىدە 22-ورىندا تۇرعان كانادالىق، 2021 جىلعى اقش چەمپيوناتىنىڭ ءفيناليسى لەيلا فەرناندەسپەن شەبەرلىك بايقاستى.
ءبىرىنشى پارتيا 6:4 ەسەبىمەن ەلەنانىڭ پايداسىنا شەشىلدى. ەكىنشى سەتتە رىباكينا 3:0 ەسەبىمەن العا كەتتى. اقىرى ءماچتى ءساتتى اياقتاي الدى - 6:3. ءبىر ساعات 28 مينۋتقا سوزىلعان باسەكە بارىسىندا رىباكينا 6 ەيسپەن بىرگە 4 برەيك-پوينتتىڭ ۇشەۋىن ءمۇلت جىبەرگەن جوق.
ەلەنا رىباكينا جارتىلاي فينالعا شىعۋ ءۇشىن الەمنىڭ 23-راكەتكاسى، تاعى ءبىر كانادالىق ۆيكتوريا مبوكومەن كەزدەسەدى.