الماتىداعى اباي الاڭىندا رەسپۋبليكا كۇنىنە ارنالعان «جاسا، قازاقستان!» اتتى اۋقىمدى فلەشموب ۇيىمداستىرىلدى.
مەرەكەلىك ءىس-شارانىڭ ماقساتى – تاۋەلسىزدىك قۇندىلىعىن دارىپتەۋ، ازاماتتىق بىرلىكتى نىعايتۋ جانە جاستاردىڭ وتانسۇيگىشتىك رۋحىن ارتتىرۋ.
فلەشموبقا جوعارى وقۋ ورىندارىنىڭ ستۋدەنتتەرى، كوميۋنيتي ورتالىقتاردىڭ وكىلدەرى، ەرىكتىلەر قوزعالىستارى مەن مادەنيەت قايراتكەرلەرى سىندى 2000-نان استام جاس قاتىستى. ءىس-شارا بارىسىندا الاڭدا مەملەكەتتىك تۋ كوتەرىلىپ، جينالعاندار قازاقستان رەسپۋبليكاسىنىڭ مەملەكەتتىك ءانۇرانىن قوسىلا شىرقادى. الماتى تۇرعىندارى مەن قوناقتارىنا ەلدىڭ مادەنيەتى مەن رۋحىن بەينەلەيتىن جارقىن حورەوگرافيالىق قويىلىمدار ۇسىنىلدى.
"رەسپۋبليكا كۇنى – بۇل ءبىزدىڭ تاۋەلسىزدىگىمىزدىڭ جانە مەملەكەتتىلىگىمىزدىڭ باستاۋىنىڭ نىشانى. بۇگىنگى فلەشموب جاستاردىڭ ەل بولاشاعىنا دەگەن سۇيىسپەنشىلىگى مەن بىرلىگىنىڭ، سەنىمىنىڭ كورىنىسى بولدى. ءبىزدىڭ باستى ماقساتىمىز – وسىنداي باستامالار ارقىلى جاستاردىڭ ازاماتتىق بەلسەندىلىگىن ارتتىرۋعا جانە قازاقستاننىڭ دامۋىنا ۇلەس قوسۋىنا جاعداي جاساۋ"، – دەدى الماتى قالاسى جاستار ساياساتى باسقارماسىنىڭ باسشىسى ازيز كاجدەنبەك.
ايتا كەتەيىك، رەسپۋبليكا كۇنىنە وراي الماتى قالاسى جاستار ساياساتى باسقارماسىنىڭ قولداۋىمەن پاتريوتتىق اكسيالار، مادەني فەستيۆالدەر، سپورتتىق باستامالار مەن ەرىكتىلەر جوبالارى سەكىلدى ءتۇرلى فورماتتاعى شامامەن 120 ءىس-شارا وتكىزىلمەك.