ەلەنا ەلدى قۋانتتى

ەلەنا رى­با­كينا 1/8 فينالداعى باسەكەسىن وتكىزىپ، شيرەك فينالعا ءوتتى، دەپ حابارلايدى Almaty-akshamy.kz. 

ونىڭ قارسىلاسى – WTA الەمدىك رەيتينگىندە 13-ورىندا تۇرعان برازيليالىق بەاتريس حادداد-ماييا ويىندى سوڭىنا دەيىن جەتكىزە المادى. ماچتىڭ ءتورتىنشى ويىنىنان كەيىن بەاتريس دەنساۋلىعى سىر بەرگەنىن ايتىپ، مەديسينالىق ءۇزىلىس الدى. فيزيو­تەراپيەۆتىڭ تەكسەرىسىنەن كەيىن ويىندى جالعاستىرۋعا تىرىسىپ باقتى.

«بەاتريس كوزىنە جاس الدى، ويىندى جالعاستىرىپ جاتىر. جەڭىس ءۇشىن سوڭىنا دەيىن كۇرە­سۋدە»، – دەدى تىكەلەي ەفيردە ماچ كوم­مەنتاتورى.

الايدا بۇل سوڭعى گەيم بولدى، 4:1 ەسەبىمەن جەڭىس قازاقستاندىق سپورت­شىنىڭ پاي­داسىنا ءتيدى. ە.رىباكينا ءۇشىن برازيليا­لىق تەننيسشى وتە قولايسىز قار­سى­لاس ەدى. بۇل ەكى تەننيسشى بيىل قوس كەز­دەسۋ وتكىزگەن ەدى. ابۋ-دابيدەگى (ءباا) جا­رىستا بەاتريس ءۇش پارتيادا باسىم ءتۇستى: 3:6، 6:3، 6:2، ال شت­ۋت­گارتتاعى (گەرمانيا) دودادا قازاق­ستان­دىق سپورتشى 6:1، 3:1 ەسەبىمەن باسىم تۇرعاندا، باسەكەنى جالعاستىرۋدان باس تارت­تى. الەمدىك ب ا ق وكىلدەرى وسى كور­سەتكىشتەردى العا تارتىپ، حادداد-مايياعا جەڭىس تىلەگەن ەدى. دەسە دە، قازاقستاندىق سپورتشىنىڭ جولى بولدى.