جىل باسىنان بەرى قوعامدىق ورىنداردى لاستاۋعا بايلانىستى 5370 قۇقىق بۇزۋشىلىق انىقتالدى.
الماتى پوليسياسى قالا تۇرعىندارىن قوقىس تاستاماۋعا شاقىردى، – دەپ حابارلايدى Almaty-akshamy.kz Polisia.kz-كە سىلتەمە جاساپ.
الماتى پوليسياسى قوعامدا “قۇقىق بۇزۋشىلىققا مۇلدەم توزبەۋشىلىكتى” قالىپتاستىرۋعا ەرەكشە كوڭىل بولەدى. نولدىك توزىمدىلىك – ۇساق قۇقىق بۇزۋشىلىقتارعا تەرىس رەاكسيا. اركىم ازاماتتاردىڭ قۇقىعىن قۇرمەتتەپ، قوعامدىق تىنىشتىقتى بۇزباي، مادەنيەتىن تانىتۋى كەرەك.
«بۇگىندە كوشەدەگى قىلمىستاردىڭ الدىن الۋدىڭ نەگىزگى تۇتقاسى – اكىمشىلىك قۇقىق بۇزۋشىلىقتاردىڭ دەر كەزىندە جولىن كەسۋ، سونداي-اق ولاردىڭ جاسالۋىنا مۇلدەم توزبەۋشىلىك تانىتۋ. بۇل باعىتتىڭ ماڭىزى ەرەكشە، سەبەبى ۇساق قۇقىق بۇزۋشىلىقتار، مەيلى قوقىس تاستاۋ، جول قوزعالىسى ەرەجەلەرىن بۇزۋ جانە باسقا دا زاڭسىز كورىنىستەر بولسىن، ازاماتتاردىڭ كەلەشەكتە اسا اۋىر ارەكەتتەر نەمەسە قىلمىستار جاساۋىنا العىشارتتار بولىپ سانالادى»، – دەدى الماتى قالاسى پد جەرگىلىكتى پوليسيا قىزمەتى باسقارماسى باسشىسىنىڭ ورىنباسارى دياس دۋانبەكوۆ.
اكىمشىلىك زاڭنامانىڭ تالاپتارىنا سايكەس قوعامدىق ورىنداردى لاستاۋ ق ر اقبتك-نىڭ 434-بابى بويىنشا جاۋاپكەرشىلىك كوزدەلگەن قۇقىق بۇزۋشىلىق بولىپ سانالادى. الماتىدا جىل باسىنان بەرى قوعامدىق ورىنداردى لاستاۋعا بايلانىستى 5370 قۇقىق بۇزۋشىلىق انىقتالدى. ايىپپۇل سوماسى 91 ميلليون تەڭگەدەن استام بولدى. سونداي-اق پوليسەيلەر ۇساق قۇقىق بۇزۋشىلىقتاردىڭ جولىن كەسۋدە قالاداعى زاڭدىلىق پەن ءتارتىپتىڭ جاي-كۇيىنە بەي-جاي قارامايتىن ازاماتتىق قوعامعا ەرەكشە ءرول جۇكتەلەتىنىن اتاپ ءوتتى. بەلسەندىلەر، ادەتتە، وزدەرىنە بەلگىلى دەرەكتەردى بۇقارالىق اقپارات قۇرالدارى مەن الەۋمەتتىك جەلىلەر ارقىلى حابارلايدى. وسىعان بايلانىستى ءتارتىپ ساقشىلارى جوعارىدا اتالعان رەسۋرستارعا كەڭىنەن مونيتورينگ جۇرگىزىپ جاتىر.