ق ر ييدم باسشىسى «اقىلى نەگىزدە «ۇلكەن الماتى اينالما اۆتوموبيل جولى» (ءۇاااج) رەسپۋبليكالىق ماڭىزى بار جالپىعا ورتاق پايدالانىلاتىن اۆتوموبيل جولىنىڭ ۋچاسكەسىن پايدالانۋ تۋرالى» 2023 جىلعى 4 شىلدەدەگى بۇيرىققا قول قويدى، دەپ حابارلايدى Almaty-akshamy.kz.
اتاپ ايتقاندا، قۇجاتتا «ۇلكەن الماتى اينالما اۆتوموبيل جولى» ۋچاسكەسى اقىلى نەگىزدە پايدالانىلاتىنى بەكىتىلدى.
الماتى قالاسى مەن الماتى وبلىسى ارقىلى بالامالى جولدار بويىنشا ءجۇرىپ وتۋگە بولادى،-دەپ جازدى Zakon.kz.
اقىلى جولدىڭ باستاپقى پۋنكتى – الماتى – ۇزىناعاش اۆتوموبيل جولىنىڭ 22+640 كم، اقىلى جولدىڭ سوڭعى پۋنكتى – الماتى – تالعار اۆتوموبيل جولىنىڭ 22+000 كم.
ءبىر ساعات ىشىندە ءجۇرىپ وتكەن جولعا قاراماستان ساپار قۇنى:
- جەڭىل اۆتوموبيلدەر – 0،07 اەك (241،5 تەڭگە)؛
- 16 جولاۋشى ورنىنا دەيىنگى اۆتوبۋستار جانە جۇك كوتەرگىشتىگى 2،5 تونناعا دەيىنگى جۇك اۆتوموبيلدەرى – 0،08 اەك (276 تەڭگە)؛
- 32 جولاۋشى ورنىنا دەيىنگى اۆتوبۋستار جانە جۇك كوتەرگىشتىگى 5،5 تونناعا دەيىنگى جۇك اۆتوموبيلدەرى – 0،14 اەك (483 تەڭگە)؛
- 32 جولاۋشى ورنىنان اۆتوبۋستار جانە جۇك كوتەرگىشتىگى 10 تونناعا دەيىنگى جۇك اۆتوموبيلدەرى – 0،16 اەك (552 تەڭگە)؛
- جۇك كوتەرگىشتىگى 10 توننادان جوعارى 15 تونناعا دەيىنگى جۇك اۆتوموبيلدەرى – 0،2 اەك (690 تەڭگە)؛
- جۇك كوتەرگىشتىگى 15 توننادان باستالاتىن جۇك اۆتوموبيلدەرى، ونىڭ ىشىندە تىركەمەلەرى بار ەرشىكتى تارتقىشتار – 0،22 اەك (759 تەڭگە).
سونداي-اق قۇجاتتا كورسەتىلگەن ساناتتاعى كولىكتەر ءۇشىن 1 اي جانە 1 جىلعا ابونەمەنت ساتىپ الۋ قاراستىرىلعان.
ابونەمەنت قۇنى:
- جەڭىل اۆتوموبيلدەر: ءبىر ايعا – 0،5 اەك (1725 تەڭگە)، ءبىر جىلعا – 5 اەك (17 250 تەڭگە)؛
- 16 ورىندىق اۆتوبۋستار مەن جۇك كوتەرگىشتىگى 2،5 تونناعا دەيىنگى جۇك كولىكتەرى: ءبىر ايعا – 0،6 اەك (2070 تەڭگە)، ءبىر جىلعا – 6 اەك (20 700 تەڭگە)؛
- 32 ورىندىق اۆتوبۋستار مەن جۇك كوتەرگىشتىگى 5،5 تونناعا دەيىنگى جۇك كولىكتەرى: ءبىر ايعا – 1 اەك (3450 تەڭگە)، ءبىر جىلعا – 10 اەك (34 500 تەڭگە)
- 32 ورىننان اساتىن اۆتوبۋستار جانە جۇك كوتەرگىشتىگى 10 تونناعا دەيىنگى جۇك اۆتوموبيلدەرى اۆتوپوەزدار: ءبىر ايعا – 1،5 اەك (5175 تەڭگە)، ءبىر جىلعا – 15 اەك (51 750 تەڭگە)
- جۇك كوتەرگىشتىگى 10 توننادان جوعارى 15 تونناعا دەيىنگى جۇك اۆتوموبيلدەرى: ءبىر ايعا – 2 اەك (6900 تەڭگە)، ءبىر جىلعا – 20 اەك (69 000 تەڭگە)
- جۇك كوتەرگىشتىگى 15 توننادان اساتىن جۇك اۆتوموبيلدەرى، ونىڭ ىشىندە تىركەمەلەرى بار ەرشىكتى تارتقىشتار: ءبىر ايعا – 2،5 اەك (8625 تەڭگە)، ءبىر جىلعا – 25 اەك (86 250 تەڭگە).
بۇيرىق 2023 جىلعى 21 شىلدەدە كۇشىنە ەنەدى.