بۇل - بلوگارياداعى جاعداي.
الەمدە سۋ تاپشىلىعى ماسەلەسىنىڭ وزەكتىلىگى جىل وتكەن سايىن ارتىپ بارادى. وعان كليماتتىڭ وزگەرۋى سەبەپ. وزەندەر تارتىلىپ، ەلدى مەكەندەردى قۇرعاقشىلىق جايلاعان، دەپ حابارلايدى Almaty-akshamy.kz.
24.kz مالىمەتىنشە، فرانسيانىڭ ەڭ كەدەي ايماقتارىنىڭ ءبىرى مايوتتا جۇرتى سۋ تاپشىلىعىنان قاتتى زارداپ شەگىپ وتىر. تۇرعىندار اۋىز سۋعا جارىماي وتىر. ەلدە تىرىسقاق، ىشەك اۋرۋلارى ەندەپ بارادى. ابدەن ابىگەرگە تۇسكەن حالىق نارازىلىق ءبىلدىرىپ شەرۋگە شىقتى. ولار سۋ باسقاراتىن كومپانيالاردان ايماقتى سۋ رەسۋرستارىن جوندەپ جولعا قويۋدى تالاپ ەتتى. مەتەورولوگتاردىڭ مالىمەتى بويىنشا، مايوتتا جالپى قۇرعاقشىلىقتىڭ التىنشى جىلىن باستان وتكەرۋدە. 1997 جىلدان بەرگى ەڭ قۇرعاق جىل بولدى.
بولگاريا ەۋروپادا سۋ تاپشىلىعى بويىنشا ەكىنشى ورىندا تۇر. ەلدەگى سۋ داعدارىسى سۋدى وندىرىستىك قاجەتتىلىكتەر ءۇشىن كوپ مولشەردە پايدالانۋدان تۋىنداپ وتىر. وسىعان وراي بولگاريا ۇكىمەتى ەلدە سۋدى پايدالانۋعا شەكتەۋلەر ەنگىزدى. تابيعي سۋ قويمالارى مەن جاساندى سۋ قويمالارىنىڭ بۇزىلۋىنا وراي، سۋدى ۇنەمدەۋگە قاتىستى شۇعىل شارالاردى قولعا الۋدا. كەيبىر ايماقتاردا باۋ-باقشالار مەن گۇلزارلاردى سۋارۋعا، باسسەيندەردى تولتىرۋعا تىيىم سالىنعان.
برازيليا برازيلياداعى ايگىلى امازون وزەنىنە قۇياتىن پۋراكەكۆارا وزەنى جىل وتكەن سايىن تارتىلىپ بارادى. وزەن سۋىمەن كۇنەلتىپ وتىرعان اۋىل تۇرعىندارى ەندى نە ىستەرىن بىلمەي دال. ايماقتا سۋ جوق. ەلدى قۋاڭشىلىق جايلاعان. رەسمي مالىمەتكە سايكەس، ءقازىر بۇل ايماقتا سۋ تاپشىلىعىنىڭ زاردابىن 100 مىڭنان استام ادام تارتىپ وتىر. امازونداعى قۇرعاقشىلىق، برازيليانىڭ وڭتۇستىگىندەگى سۋ تاسقىنى سياقتى، تىنىق مۇحيتىنىڭ جەرۇستى سۋلارىن قىزدىراتىن ەل-نينو قۇبىلىسىنىڭ ناتيجەسى، دەيدى ساراپشىلار.