قازاقستاندىق تورەشى مەرۋەرت كاۋكەيەۆا حالىقارالىق تەننيس فەدەراسياسىنىڭ ارنايى سىيلىعىمەن ماراپاتتالدى، دەپ حابارلايدى اlmaty-akshamy.kz.
قتف اقپاراتى بويىنشا، مەرۋەرت سيەۆيليادا وتكەن "Billie Jean King Cup" كوماندالىق الەم چەمپيوناتىنىڭ فينالدىق كەزەڭىندە جۇمىس ىستەگەن. ۇيىمداستىرۋشىلار قازاق ايەلىنە ارنايى مەرەيتويلىق مەدال تابىس ەتتى.
قازاقستاندا تورەشىلىكتى دامىتۋ باعدارلاماسى ەكى باعىتتا العا جىلجىپ جاتىر.
- ءبىرىنشىسى – جاڭا كادرلاردى تارتۋ جانە ولاردى رەسپۋبليكالىق دەڭگەيدەگى سوت سەمينارلارىنان وتكىزۋ ارقىلى ۇلتتىق ساناتتاعى سۋديالاردى تاربيەلەۋ.
- ەكىنشىسى – حالىقارالىق سەمينارلار مەن تورەشىلەر مەكتەبىنە قاتىسۋ ارقىلى حالىقارالىق ساناتتاعى تورەشىلەردى تاربيەلەۋ.
كەيىنگى جىلدارى "كۇمىس" جانە "قولا" توسبەلگىلەرى بار حالىقارالىق تورەشىلەر توبىنا ەكى قازاقستاندىق ايەل قوسىلدى - يۋليا يگناچەنكو مەن مەرۋەرت كاۋكەيەۆا. 2020 جىلى يۋليا مەن مەرۋەرت WTA (ايەلدەر تەننيس قاۋىمداستىعى) ەڭ تالانتتى ايەل تورەشىلەر كومانداسىنا ەندى.
بۇعان دەيىن بيللي دجين كينگ كۋبوگىندا قازاقستان قۇراماسى توپتىق كەزەڭدەگى ونەرىن اياقتاعان ەدى.