قازاۆتوجول» ۇلتتىق كومپانياسى ەلدەگى جولداردىڭ قازىرگى احۋالى تۋرالى حابارلادى.
ۇلتتىق كومپانيانىڭ مالىمەتىنشە، 2025 جىلعى 8 قاڭتار ساعات 08:00-دەگى جاعداي بويىنشا شىعىس قازاقستان وبلىسىندا رەسپۋبليكالىق ماڭىزى بار «وسكەمەن – ريددەر – رف شەكاراسى» اۆتوجولىنىڭ 15-105-شاقىرىم ارالىعىندا (بەلوۋسوۆكا كەنتى – ريددەر قالاسى ۋچاسكەسى) اۆتوكولىكتىڭ بارلىق ءتۇرى ءۇشىن قوزعالىس اشىلدى.
سونداي-اق اقمولا وبلىسىندا رەسپۋبليكالىق ماڭىزى بار «KAZ02 استانا – كوكشەتاۋ (اينالما جول) – پەتروپاۆل – رف شەكاراسى (جاڭا جول وتكىزۋ بەكەتى)» اۆتوجولىنىڭ 18-232-شاقىرىم ارالىعىندا بارلىق كولىك ءتۇرى ءۇشىن جىلدامدىق شەكتەۋى 90 شاق/ساع-تان 110 شاق/ساع-قا وزگەرتىلدى.
جابىق جولدار
شىعىس قازاقستان وبلىسىندا تىركەمەسى بار جانە جارتىلاي تىركەمەلى جۇك كولىكتەرىنىڭ قوزعالىسى وسينوۆ اسۋىندا ۋاقىتشا شەكتەلدى. شەكتەۋ «وسكەمەن – التاي – كاتونقاراعاي – راحمان قاينارى» اۆتوجولىنىڭ 46-66-شاقىرىمىنداعى (سيەۆەرنوە اۋىلى – سەرەبريانسك قالاسى) ۋچاسكەسىندە قىس اياقتالعانشا ساقتالادى.
سونىمەن بىرگە «استانا – شىدەرتى – پاۆلودار – ۋسپەنكا – رف شەكاراسى» اۆتوجولىنداعى جولايرىقتىڭ كوپىر قۇرىلىمىنىڭ شەتكى ارقالىقتارى زاقىمدانۋىنا بايلانىستى «قالقامان» جولايرىعى ۋچاسكەسى جابىلدى. اتاپ ايتقاندا، قالقامان كەنتىنە كىرەبەرىس پەن استانا باعىتىنا شىعاتىن جول ۋاقىتشا جابىق.