بالالاردىڭ قاۋىپسىزدىگى ءۇشىن بارلىق قاجەتتى شارالار قابىلدانۋى ءتيىس.
ق ر پرەمەر-مينيسترى ءاليحان سمايىلوۆ ەلدەگى بۇكىل وقۋ ورىندارىنىڭ ورتكە قارسى قاۋىپسىزدىك دەڭگەيىن تەكسەرۋ تۋرالى تاپسىرما بەردى، دەپ حابارلايدى Almaty-akshamy.kz
«توتەنشە جاعدايلار مينيسترلىگى مۇددەلى مەملەكەتتىك ورگاندارمەن بىرگە بيىلعى ورمان جانە دالا ورتتەرىنىڭ الدىن الۋ جونىندەگى ۆەدومستۆوارالىق ءىس-شارالار جوسپارىن ساپالى جۇزەگە اسىرۋدى قامتاماسىز ەتسىن. ءبىلىم جانە عىلىم مينيسترلىگىمەن جانە اكىمدىكتەرمەن بىرلەسىپ، ەلدەگى بارلىق وقۋ ورىندارىنىڭ ءورت قاۋىپسىزدىگى تالاپتارىنا سايكەستىگىن تەكسەرسىن»، - دەدى ول ۇكىمەت وتىرىسىندا.
ونىڭ ايتۋىنشا، وقۋ ورىندارىندا دابىل جۇيەسىنىڭ، گيدرانتتار مەن ءورت سوندىرگىشتەردىڭ، ءورت كەزىندەگى اپاتتىق شىعۋلاردىڭ جۇمىسقا جارامدىلىعى تەكسەرىلۋى قاجەت.
«بالالاردىڭ قاۋىپسىزدىگى ءۇشىن بارلىق قاجەتتى شارالار قابىلدانۋى ءتيىس. سونىمەن قاتار، حالىققا ءورت قاۋىپسىزدىگى تالاپتارىن ساقتاۋ، ءورت شىققان عيماراتتا، دالا جانە ورمان ءورتى كەزىندە قالاي ارەكەت ەتۋ قاجەتتىلىگى تۋرالى ءتۇسىندىرۋ جۇمىستارىن جۇرگىزۋدى تاپسىرامىن»، - دەدى پرەمەر-مينيستر.
ايتا كەتەيىك، ۇكىمەت وتىرىسىنان كەيىن وتكەن بريفينگتە ق ر ەكولوگيا، گەولوگيا جانە تابيعي رەسۋرستار ءمينيسترى سەرىكقالي برەكەشيەۆ قىرعىز رەسۋپبليكاسىنان كەلەتىن سۋ بويىنشا ەشقانداي تاۋەكەل جوق ەكەنىن ءمالىم ەتتى.