ەلدە جاڭا جىل ءتۇنى تىنىش ءوتتى

جاڭا جىلدى تويلاۋ كەزىندە ىشكى ىستەر ورگاندارىنىڭ قىزمەتكەرلەرى قوعامدىق قاۋىپسىزدىك پەن ازاماتتاردىڭ تىنىشتىعىن قامتاماسىز ەتۋ ماقساتىندا كۇشەيتىلگەن رەجيمدە قىزمەت اتقاردى،- دەپ حابارلايدى Aqshamnews.kz.

جالپى جاڭا جىل ءتۇنى كوشەلەر مەن قوعامدىق ورىنداردا اۋىر جانە اسا اۋىر قىلمىستارعا جول بەرىلگەن جوق. 31 جەلتوقسان تاڭىنان 1 قاڭتار تاڭى ارالىعىندا پوليسيانىڭ 102 جەدەل بايلانىس پۋلتىنە 11 448 ءوتىنىش ءتۇستى، ونىڭ ىشىندە 3 082ء-سى تۇنگى ۋاقىتتا كەلىپ تۇسكەن. قوڭىراۋلاردىڭ باسىم بولىگى انىقتامالىق سيپاتتا بولدى. ازاماتتار پەتاردالاردى پايدالانۋ ماسەلەلەرى بويىنشا حابارلاسىپ، مۇز ايدىندارى مەن جاڭا جىلدىق شىرشالاردىڭ قايدا ورنالاسقانىن ناقتىلادى، سىرعاناقتاردا اداسىپ قالعاندار تۋرالى، سونداي-اق اۋلالاردا دۇرىس قويىلماعان اۆتوكولىكتەر مەن شىعۋعا كەدەرگى كەلتىرگەن جاعدايلار جونىندە حابارلادى. تۇسكەن بارلىق وتىنىشتەرگە پوليسيا قىزمەتكەرلەرى ۋاقتىلى ارەكەت ەتىپ، قولدانىستاعى زاڭناما اياسىندا قاجەتتى شارالاردى قابىلدادى. قابىلدانعان شارالار مەن پوليسيانىڭ ۇيلەسىمدى جۇمىسىنىڭ ارقاسىندا مەرەكەلىك ءىس-شارالار تىنىش ءوتتى. كوشەلەر مەن قوعامدىق ورىنداردا زاڭ مەن ءتارتىپ تولىق كولەمدە قامتاماسىز ەتىلدى.