الماتىدا جاڭا جىلعا قاراعان ءتۇنى 21 ءسابي دۇنيەگە كەلدى، - دەپ حابارلايدى Aqshamnews.kz.
بۇل تۋرالى الماتى قالاسى ىشكى ساياسات باسقارماسىنىڭ «قوعامدىق دامۋ ورتالىعى» حابارلادى.
جەدەل دەرەكتەرگە سۇيەنسەك، ساعات 00:00-دەن 07:00-گە دەيىن 9 ۇل مەن 12 قىز دۇنيەگە كەلگەن.
ءاربىر بوسانۋدى بىلىكتى مەديسينا ماماندارى مۇقيات باقىلادى. انا مەن سابيگە دەر كەزىندە قاجەتتى مەديسينالىق كومەك كورسەتىلىپ، جاڭا تۋعان شاقالاقتىڭ جاعدايى تۇراقتى دەپ باعالاندى.
2026 جىلدىڭ العاشقى سابيلەرىنىڭ دۇنيەگە كەلۋى - جاڭا كەزەڭنىڭ، ءۇمىت پەن ءومىر ساباقتاستىعىنىڭ سيمۆولىنا اينالسا، مەديسينا قىزمەتكەرلەرى ءۇشىن بۇل مەرەكە كۇندەرى دە ۇزدىكسىز اتقارىلاتىن جاۋاپكەرشىلىگى جوعارى قىزمەتتىڭ ايقىن كورىنىسى.
قالاداعى پەرزەنتحانالىق قىزمەت جۇيەسى قالىپتى تارتىپتە جۇمىسىن جالعاستىرىپ، انا مەن بالاعا ساپالى ءارى ءقاۋىپسىز مەديسينالىق كومەك كورسەتىلىپ وتىر.