بۇل اپتاسىنا 5 كۇن جۇمىس ىستەيتىن ازاماتتارعا قاتىستى.
2024 جىلعى مەملەكەتتىك جانە ۇلتتىق مەرەكەلەر كۇنتىزبەسى جاريالاندى، دەپ حابارلايدى Almaty-akshamy.kz.
مەملەكەتتىك جانە ۇلتتىق مەرەكەگە وراي قازاقستاندىقتار مىنا كۇندەرى دەمالادى.
1-2 قاڭتار- جاڭا جىل؛
8 ناۋرىز - حالىقارالىق ايەلدەر كۇنى؛
21-23 ناۋرىز - ناۋرىز مەيرامى (23 ناۋرىز سەنبىدەن 25 ناۋرىز دۇيسەنبىگە اۋىستىرىلادى)؛
1 مامىر - قازاقستان حالقىنىڭ بىرلىگى كۇنى؛
7 مامىر - وتان قورعاۋشى كۇنى؛
9 مامىر - جەڭىس كۇنى؛
6 شىلدە - استانا كۇنى (6 شىلدە سەنبىدەن 8 شىلدە دۇيسەنبىگە اۋىستىرىلادى)؛
30 تامىز - كونستيتۋسيا كۇنى؛
25 قازان - رەسپۋبليكا كۇنى؛
16 جەلتوقسان - تاۋەلسىزدىك كۇنى.
مۇسىلمان كۇنتىزبەسى بويىنشا اتاپ وتىلەتىن قۇربان ايتتىڭ ءبىرىنشى كۇنى، 7 قاڭتار - پراۆوسلاۆيەلىك روجدەستۆو دەمالىس كۇندەرى بولىپ سانالادى. بۇل رەتتە 7 قاڭتار جەكسەنبى كۇنگە تۇسكەندىكتەن، قازاقستاندىقتار ءۇشىن ادەتتەگىدەي دەمالىس كۇنى بولدى.
ال 2024 جىلى قۇربان ايتتىڭ ءبىرىنشى كۇنى 16 ماۋسىمعا تۋرا كەلەدى. سوندىقتان 16 ماۋسىمدا تۇرعىندار تاعى ءبىر كۇن دەمالادى. وسىلايشا، اپتاسىنا بەس كۇن جۇمىس ىستەيتىن قازاقستاندىقتار 2024 جىلى 117 كۇن دەمالاتىن بولادى.