ونىڭ 49-ى – بالا.
پرەمەر-مينيستر ءاليحان سمايىلوۆتىڭ ايتۋىنشا، ەلىمىزدە ەكى ايدىڭ ىشىندە 140 ادام سۋعا كەتكەن، دەپ حابارلايدى Almaty-akshamy.kz
«بىلتىرعى جىلمەن سالىستىرعاندا، ادامداردىڭ سۋعا باتۋى 42%-كە قىسقارعان. سوندا دا بۇل كورسەتكىش وتە جوعارى دەپ سانايمىن. سۋ قاتەلىكتى كەشىرمەيدى. ەل ازاماتتارى بالالار قاۋىپسىزدىگىنە ساق بولۋى قاجەت. ءبىز قايعىلى جاعدايلارعا جول بەرمەۋ ءۇشىن بارلىق شارانى قابىلداۋىمىز كەرەك. توتەنشە جاعدايلار، ەكولوگيا مينيسترلىكتەرىنە اكىمدىكتەرمەن بىرلەسىپ سۋداعى قاۋىپسىزدىك شارالارىن كۇشەيتۋدى، وندا قۇتقارۋشىلاردىڭ بولۋىن باقىلاۋدى تاپسىرامىن. حالىق اراسىندا ءتۇسىندىرۋ جۇمىستارىن كەڭىنەن جۇرگىزىپ، سۋعا تۇسۋگە بولمايتىن جەرلەردى انىق بەلگىلەۋ قاجەت»، – دەدى ۇكىمەت باسشىسى.