قازاقستاندىقتار eGov mobile قوسىمشاسى ارقىلى اسكەري قىزمەت تۋرالى دەرەكتەردى الا الادى جانە جىبەرە الادى.
بۇل «سيفرلىق مالىمەتتەر» سەرۆيسىنىڭ جاڭارتىلۋى ارقاسىندا مۇمكىن بولدى، دەپ حابارلايدى aqshamnews.kz.
ەندى پايدالانۋشىلار وزدەرىنىڭ اسكەري قىزمەتكە شاقىرىلۋ مارتەبەسى مەن اسكەري قىزمەتكە شاقىرۋ تۋرالى اقپاراتتى سمارتفونىنان تىكەلەي قاراپ، بولىسە الادى. جاڭا فۋنكسيالار دەرەكتەرگە قولجەتىمدىلىكتى ودان ءارى ىڭعايلى جانە جەڭىل ەتەدى.
قوسىمشانىڭ جاڭارتىلعان نۇسقاسىندا ەكى جاڭا سيفرلىق مالىمەتتەر قولجەتىمدى:
1. اسكەري قىزمەتكە شاقىرۋ تۋرالى اقپارات – ازاماتتىڭ شاقىرۋ مارتەبەسى، سونداي-اق شاقىرۋ مەرزىمى تۋرالى تولىق دەرەكتەر؛
2. اسكەري قىزمەتكە قاتىسۋعا قاتىستى مالىمەتتەر – ازاماتتىڭ اسكەري مىندەتتىلىك مارتەبەسى تۋرالى وزەكتى اقپارات.
«ازامات ءوز مالىمەتتەرىن جسن، كومپانيانىڭ ءبسن-ى نەمەسە ءموبيلدى ازاماتتار بازاسىنا تىركەلگەن تەلەفون ءنومىرى ارقىلى ءوز بەتىنشە جىبەرە الادى. سونىمەن قاتار، دەرەكتەردى جۇمىس بەرۋشىنىڭ تىكەلەي سۇراۋ سالۋى بويىنشا دا جىبەرۋگە بولادى – ول ءۇشىن جۇمىس بەرۋشى جسن نەمەسە تەلەفون ءنومىرى ارقىلى سۇراۋ سالۋ جىبەرەدى. سودان كەيىن پايدالانۋشى حابارلاما الادى جانە سۇراۋ سالۋدى راستايدى نەمەسە ونى كەرى قايتارادى. دەرەكتەردى eGov mobile قوسىمشاسىنا تىكەلەي سىلتەمە ارقىلى مەسسەندجەرلەر نەمەسە پوشتا ارقىلى جىبەرۋگە بولاتىنىن اتاپ وتەمىز»، - دەلىنگەن حابارلامادا.
سەرۆيستى پايدالانۋ ءۇشىن:
- eGov mobile قوسىمشاسىندا اۆتوريزاسيالانىپ، «مالىمەتتەر» بولىمىنە ءوتۋ؛
- «تاريح» بولىمىندە مالىمەتتەرگە قولجەتىمدىلىك بەرۋگە كەلگەن سۇراۋ سالۋلاردى قاراپ شىعۋ؛
- مالىمەتتەردى بەرۋگە رۇقسات بەرۋ نەمەسە سۇراۋ سالۋدى قابىلداماۋ؛
- قاجەت بولعان جاعدايدا، بۇرىن بەرىلگەن مالىمەتتەردى «قايتارىپ الۋ» باتىرماسىن باسۋ ارقىلى قايتارىپ الۋ قاجەت.
بۇدان باسقا، پايدالانۋشىلار مالىمەتتەرگە سۇراۋ سالۋلار تاريحىن تەكسەرىپ، قاجەت بولعان جاعدايدا بۇرىن بەرىلگەن مالىمەتتەرگە قولجەتىمدىلىكتى باسقارۋعا، ولاردى قايتارىپ الۋعا مۇمكىندىگى بار.