ءۇندىستاندا وميكروننىڭ تاعى ءبىر ءتۇرى انىقتالدى.
دۇنيەجۇزىلىك دەنساۋلىق ساقتاۋ ۇيىمىنىڭ (ددسۇ) باس ديرەكتورى تەدروس ادانوم گەبرەيەسۋس الەمدە كوروناۆيرۋستىق ينفەكسيانى جۇقتىرعاندار سانى كۇرت ارتقانىن ءمالىم ەتتى، دەپ حابارلايدى Almaty-akshamy.kz Inbusiness.kz سىلتەمە جاساپ.
ونىڭ ايتۋىنشا، سوڭعى ەكى اپتادا COVID-19 دەرتىنە شالدىققاندار سانى شامامەن 30 پايىزعا وسكەن. گەبرەيەسۋس وميكرون شتامدارىنىڭ تارالۋى ىندەتتىڭ كۇشەيۋىنە سەبەپ بولىپ وتىرعانىن جانە شتامداردىڭ جاڭا تۇرلەرى پايدا بولىپ جاتقانىن ايتتى.
«ەۋروپا مەن اقش-تا تىركەلگەن ناۋقاستاردىڭ باسىم بولىگى BA.4 جانە BA.5 جۇقتىرعان»، – دەدى ول.
ددسۇ باسشىسى ءۇندىستاندا وميكروننىڭ تاعى ءبىر ءتۇرى، ياعني BA.2.75 انىقتالعانىن جاريالادى. ءقازىر وعان باقىلاۋ جۇرگىزىلۋدە.