دينوزاۆر، تيراننوزاۆر، مامونتتار...

ەلدەگى ۇلتتىق مۇراجايدا «پالەونتولوگيا» كورمە زالى اشىلدى.

سالتاناتتى جيىنعا مادەنيەت جانە سپورت ءمينيسترى مەن مۇراجاي باسشىلارى قاتىستى، دەپ حابارليدى almaty-akshamy.kz

مۇندا كونە زامانداعى جانۋارلار الەمىنىڭ بايلىعىمەن تانىسىپ، ولاردىڭ دامۋ ەۆوليۋسياسىن كورۋگە بولادى. كورمەدە ۇلكەن ءمۇيىزدى بۇعى، تيراننوزاۆر، مامونت سەكىلدى جانۋارلار مەن قازاقستان اۋماعىنان تابىلعان باسقا دا تىرشىلىك يەلەرىنىڭ قاڭقالارى قويىلعان. جالپى سانى 263 ەكسپونات قويىلعان. سونداي-اق مەملەكەت باسشىسىنىڭ «حالىق بىرلىگى جانە جۇيەلى رەفورمالار – ەل وركەندەۋىنىڭ بەرىك نەگىزى»  اتتى جولداۋى شەڭبەرىندە  «قولونەرشىلەر ورتالىعى» دا ورىن تەپكەن. ورتالىق وتاندىق قولونەردى قولداۋعا باعىتتالعان.

- دينوزاۆرلار كەزىنەن كەلە جاتقان وسى ۇلى دالا بويىندا قانداي تىرلىكتەر بولدى، قانداي مادەنيەت بولدى، سالت-داستۇرلەرى بولدى، سونى پاش ەتەمىز. ءوزىمىزدىڭ اكادەميكتەر 30 جىلدا جيناعان ەڭبەكتەرىن ارحەولوگيا ارقىلى وسى زالدا پاش ەتىپ جاتىر. بۇل وتە قىزىقتى، زاماناۋي جانە بالالار قىزىعادى دەگەن فورماتپەن جاسالىپ جاتقان قادامدار، - دەيدى ق ر مادەنيەت جانە سپورت ءمينيسترى اسحات ورالوۆ.