دىنمۇحامەد قونايەۆتىڭ قارىنداسى، بيولوگيا عىلىمىنا ەلەۋلى ۇلەس قوسقان عالىم راۋزا قونايەۆا 92 جاسقا قاراعان شاعىندا ومىردەن ءوتتى، - دەپ حابارلايدى aqshamnews.kz ءتىلشىسى.
قارالى حاباردى د.ا. قونايەۆ اتىنداعى حالىقارالىق قور مالىمدەگەن. راۋزا مەڭلىاحمەد قىزى 1934 جىلى الماتى وبلىسىنداعى شەلەك اۋىلىندا دۇنيەگە كەلگەن. ول قونايەۆتار اۋلەتىنىڭ ون ءبىرىنشى، ياعني كەنجە قىزى بولعان.
راۋزا قونايەۆا ماسكەۋ مەملەكەتتىك ۋنيۆەرسيتەتىندە ءبىلىم العان. ەڭبەك جولىنىڭ نەگىزگى بولىگىن قازاقستان عىلىم اكادەمياسى جۇيەسىندەگى بيوحيميا جانە مولەكۋلالىق بيولوگيا باعىتىنداعى ينستيتۋتتاردا وتكىزدى. ونىڭ زەرتتەۋلەرى حالىقارالىق عىلىمي قاۋىمداستىق تاراپىنان مويىندالىپ، شەتەلدىك مامانداردىڭ دا جوعارى باعاسىنا يە بولعان.
عالىم بەلگىلى قۇقىقتانۋشى مۇرات بايماحانوۆپەن شاڭىراق كوتەرگەن. ولاردىڭ قىزى دانا بايماحانوۆا – زاڭ عىلىمدارىنىڭ دوكتورى، ءال-فارابي اتىنداعى قازۇۋ-دىڭ پروفەسسورى.