تەرروريزمگە قارسى ءىس-قيمىل قازاقستاندا عانا ەمەس الەمدەگى قاۋىپسىزدىك پەن تۇراقتىلىقتى قامتاماسىز ەتۋگە باعىتتالعان ماڭىزدى ءىس-قيمىلدىڭ ءبىرى بولىپ وتىر.
تەرروريستىك اكتىلەر بەيبىت تۇرعىندارعا، ەكونوميكاعا جانە الەۋمەتتىك تۇراقتىلىققا ۇلكەن زيان كەلتىرەدى. سوندىقتان تەرروريزمگە قارسى ىس-قيمىلمەن ءتيىمدى كۇرەسۋدىڭ ماڭىزى زور.
وسى ورايدا اباي اتىنداعى ءقازۇپۋ-نىڭ، تاريح جانە قۇقىق فاكۋلتەتى ساياساتتانۋ جانە الەۋمەتتىك-فيلوسوفيالىق پاندەر كافەدراسىنىڭ وقىتۋشىسى نۇرلان ورىنبەكوۆ «ءدىني ەكسترەميزم مەن تەرروريزمنىڭ الدىن الۋ بويىنشا الماتى قالالىق ءاقپاراتتىق-تۇسىندىرۋ توبىنىڭ مۇشەلەرىنە ارنالعان» ەكى كۇندىك سەمينارىنا قاتىستى.
سەمينار بارىسىندا الماتى قالاسى ءدىني ىستەر باسقارماسى باسشىلارى، ق ر ۇلتتىق قاۋىپسىزدىك كوميتەتىنىڭ، تەرروريزمگە قارسى دايىندىق ورتالىعىنىڭ سپيكەرلەرى جانە ەلىمىزدىڭ بەلگىلى قايراتكەرلەرى اتالعان ءىس-شاراعا بايلانىستى ماڭىزدى اقپاراتتارمەن ءبولىسىپ، جان-جاقتى تالقىلادى. ەلىمىزدىڭ تىنىشتىعىن ساقتاۋ ماقساتىندا ۇيىمداستىرىلعان سەمينار جوعارى دەڭگەيدە ءوتتى.