«قازاق حالقىنا، ديماشقا جاساعان قۇرمەتىم»، - دەيدى شۆەيساريالىق كورەرمەن
ناۋرىز مەرەكەسىنە وراي نارىققا OPPO-نىڭ جاڭا فلاگماسى – «OPPO Reno8 T Series» سمارتفونىنىڭ تانىستىرىلىمى ءوتتى. اتالمىش ءىس-شارانى وررو كومپانياسىنىڭ قازاقستانداعى رەسمي ديستريبيۋتورى Freedom Mobile ۇيىمداستىردى. ءىس-شاراعا «ۇلىتاۋ» اسپاپتى ەتنو-روك ستيلىندەگى مۋزىكالىق توپ پەن الەمگە تانىمال ەسترادا ءانشىسى ديماش قۇدايبەرگەن قاتىستى.
«مەن شۆەيساريادان الماتىدا تويلانىپ جاتقان مەرەكەگە ارنايى كەلدىم. ماعان قازاق جەرى قاتتى ۇنايدى. قالادا ءۇش كۇن قاتارىنان كونسەرتتىك ءىس-شارالار ۇيىمداستىرىلدى. سونداي-اق، ديماش قۇدايبەرگەننىڭ ونەرىنە ەرەكشە تامسانامىن. ونىڭ دۋبايدا، الماتىدا، قىتايدا وتكەن بارلىق كونسەرتىنەن قالماي بارامىن. ديماشتىڭ «OPPO Reno8 T Series» سمارتفونىنىڭ باس امباسسادورى ەكەنىن ەستىگەندە، بۇل كەشتەن دە شەت قالماۋ كەرەكتىگىن ۇعىندىم. ۇستىمە ۇلتتىق ستيلدەگى بەشپەت كيىپ، ويۋمەن ورنەكتەلگەن بۇيىمدارىن تاعىپ الدىم. بۇل دا قازاق حالقىنا، ديماشقا جاساعان قۇرمەتىم دەپ بىلەمىن. ونەرلى، تالانتتى جاستاردىڭ ورداسىنا اينالعان قازاق جۇرتىنا قىزىعا دا، قىزعانا دا قارايمىن»، – دەيدى شۆەيساريالىق كورەرمەن.
مەرەكەلىك كەشتە قۇرمەتتى قوناقتارعا ارنالعان ويىندار ۇيىمداستىرىلدى. ديماش قۇدايبەرگەننىڭ تىڭدارماندارى كوكەيدە جۇرگەن سۇراقتارىن قويۋعا مۇمكىندىك الدى. كەش سوڭىندا قوناقتاردىڭ كەتپەۋىن وتىنگەن ديماش بارلىعىمەن سۋرەتكە ءتۇستى. كەش قوناقتارىن كوكتەمنىڭ شۋاقتى ناۋرىز مەيرامىمەن ديماش قۇدايبەرگەننىڭ ءوزى قۇتتىقتادى.
«ۇلتىمىزدىڭ مەرەيىن ءوسىرىپ، بار بولمىسىمىزدى ايشىقتايتىن قاسيەتتى ناۋرىز مەرەكەسى ەلىمىزگە، ءاربىر وتباسىنا بىرلىك پەن قۋانىش، قۇت-بەرەكە، باقىت پەن مولشىلىق اكەلسىن! ەلىمىز تىنىش، تۋعان جەرىمىز امان بولىپ، ءاربىر جاڭا كۇن ءار وتباسىنا شات كوڭىل، باقىت جانە بەرەكە سىيلاسىن! قايدا جۇرسەك تە ۇلتتىق بولمىسىمىزدى ساقتاۋعا، ۇلىقتاۋعا بارىمىزدى سالايىق»، – دەدى ءبىزدىڭ ديماش.
تانىستىرىلىمعا كەلگەندەردىڭ باسىم كوپشىلىگى ديماشتىڭ جانكۇيەرلەرى.
«مەن - ديماشتىڭ ونەرىنە ءتانتى بولعانداردىڭ ءبىرىمىن. ونىڭ جارنامالاعان ءونىمدەرىنە سەنىم ارتامىن. سول ءۇشىن بالاما «OPPO Reno8 T Series» سمارتفونىن ساتىپ الدىم. ۇيىمداستىرۋشىلاردىڭ ۇيىمداستىرعان ويىندارىنان جەڭىمپاز اتاندىق. قۋانىشىمدا شەك جوق. مەن ءۇشىن ديماشتىڭ داۋسى جان-دۇنيەمە ەم بولادى. ونى تىڭداعان سايىن ءوزىمدى باقىتتى سەزىنەمىن»، – دەدى گۇلميرا مۇرات.