بەلگيالىق راديو ديماشقا ارنالعان ارنايى باعدارلاما ازىرلەدى.
15 ءساۋىر كۇنى بەلگيانىڭ AFM راديوسىندا ديماش قۇدايبەرگەنگە ارنالعان ەكى ساعاتتىق ارنايى باعدارلاما وتەدى، دەپ حابارلايدى aqshamnews.kz
بۇل ەفيرگە Dimash Belgian Dears Fan Club كلۋبىنىڭ ديرەكتورى جانە ەڭ بەلسەندى مۇشەلەرىنىڭ ءبىرى رەتىندە ۆەندي مرازەك پەن انن دە گرااف قاتىسادى.
باعدارلامانىڭ جۇرگىزۋشىسى سەباستەن گراتە بەلگيالىق جانكۇيەرلەردىڭ ديماشقا دەگەن سۇيىسپەنشىلىگى جايلى، ونەرى مەن ەرەكشە داۋىسىن الەمگە تانىتۋداعى ۇمتىلىستارى جايلى اڭگىمە قوزعاماق. بۇل ەفير – جاڭا تىڭدارماندارعا ديماشتىڭ شىعارماشىلىعىمەن تانىسىپ، ونىڭ ەرەكشە داۋىسىنا باعا بەرۋگە تاماشا مۇمكىندىك.
AFM Radio – بەلگيانىڭ امەي قالاسىندا (ەنو پروۆينسياسى) ورنالاسقان راديوستانسيا. بۇعان دەيىن بۇل راديوستانسيادا ديماشتىڭ اندەرى شىرقالعان. راديو ۇجىمى قازاقستاندىق ءانشىنىڭ ونەرىنە ۇلكەن قىزىعۋشىلىق تانىتىپ، ءتىپتى ديماشقا ارنالعان ارنايى باعدارلاما ۇيىمداستىردى.
باعدارلاما فرانسۋز تىلىندە وتەدى جانە كەيىنىرەك YouTube جەلىسىنە جۇكتەلەدى.
ەسكە سالا كەتەيىك، ديماش قۇدايبەرگەن قاراشا ايىندا ەۋروپانىڭ بەرلين، لوندون، بارسەلونا قالالارىندا كونسەرت بەرەتىنىن جازعان ەدىك.
سونداي-اق الماتىدا 26 مامىر كۇنى جانكۇيەرلەرمەن كەزدەسۋ وتكىزەدى.