2025 جىلعى 1 ساۋىردەگى جاعداي بويىنشا جۇمىس بەرۋشىلەر 4،9 ملن جۇمىسكەردىڭ پايداسىنا 329،1 ملرد تەڭگە سوماسىنا مىندەتتى زەينەتاقى جارنالارىن اۋداردى.
بۇعان دەيىن حابارلانعانداي، 2024 جىلعى 1 قاڭتاردان باستاپ قازاقستاندا جۇمىس بەرۋشىنىڭ مىندەتتى زەينەتاقى جارنالارى ەنگىزىلدى، ولار ءوز قىزمەتكەرلەرىنىڭ پايداسىنا وزدەرىنىڭ قاراجاتى ەسەبىنەن تولەنەدى. 2024 جىلى جمزج مولشەرلەمەسى 1،5%، 2025 جىلى - 2،5% قۇرادى. كەيىننەن 2028 جىلعا قاراي مولشەرلەمە 5% - عا دەيىن جەتكىزىلەدى، دەپ حابارلايدى aqshamnews.kz.
جۇمىس بەرۋشىلەردىڭ جمزج اۋدارۋى جۇمىسكەرلەردى قارتايعان شاعىندا ءومىر بويى قوسىمشا جيناقتاۋشى زەينەتاقى تولەمىمەن قامتاماسىز ەتۋگە مۇمكىندىك بەرەدى.
اتالعان شارا قازاقستاندىقتاردىڭ جاس بۋىنىن قولداۋعا باعىتتالعان، ولاردىڭ زەينەتاقى مولشەرى ولاردىڭ زەينەتاقى اۋدارىمدارىنا تىكەلەي بايلانىستى بولادى. ولاردىڭ زەينەتاقىسى ءۇش كومپونەنتتەن قۇرالادى: مەملەكەتتەن بازالىق زەينەتاقى، جيناقتاۋشى – ءبىرىڭعاي جيناقتاۋشى زەينەتاقى قورىنا ءوز اۋدارىمدارى ەسەبىنەن جانە شارتتى-جيناقتاۋشى – جۇمىس بەرۋشىلەردىڭ جارنالارى ەسەبىنەن بولادى.
جمزج تولەۋدى جۇمىس بەرۋشىلەر 1975 جىلعى 1 قاڭتاردان كەيىن تۋعان ادامدار ءۇشىن عانا جۇزەگە اسىرادى.
ق ر سالىق كودەكسىنە سايكەس جمزج تولەۋ بويىنشا جۇمىس بەرۋشىنىڭ شىعىستارى سالىق سالىناتىن تابىستان شەگەرىمگە جاتقىزىلعانىن اتاپ ءوتۋ قاجەت. تيىسىنشە، جۇمىس بەرۋشىگە جۇكتەمە قولايلى دەڭگەيدە قالادى.