ءماجىلىس دەپۋتاتتارى ءبىر اپتادان كەيىن ەل ايماقتارىن ارالاپ، حالىقپەن كەزدەسەدى
دەپۋتاتتار حالىقتىڭ كوكەيىندەگى ماسەلەلەردى تىڭداپ، ولاردى شەشۋگە ات سالىسادى. بۇل تۋرالى پالاتا ءتوراعاسى ەرلان قوشانوۆ مالىمدەدى. ونىڭ ايتۋىنشا، دەپۋتاتتار پرەزيدەنت ايتقان ەسكەرتۋلەردەن قورىتىندى شىعارىپ، ءارى قاراي جۇمىس ىستەۋى كەرەك.
«ءوز كەزەگىمىزدە بارلىق الەۋمەتتىك-ەكونوميكالىق تاپسىرمالاردى ءتيىستى ساپالى زاڭدارمەن قامتاماسىز ەتۋگە جۇدىرىقتاي جۇمىلۋىمىز كەرەك. سونىمەن بىرگە ەندى ءبىر اپتادان كەيىن بارلىعىمىز سايلاۋشىلارمەن كەزدەسۋ ءۇشىن ايماقتارعا شىعاتىن بولامىز. سول كەزدە وسى ناقتى قادامداردى ءاربىر سايلاۋشىعا، ءاربىر ازاماتقا جەتكىزۋىمىز قاجەت. ەل يگىلىگىنە قىزمەت ەتۋ – بارشامىزدىڭ باستى پارىزىمىز»، - دەدى ق ر پارلامەنتى ءماجىلىسىنىڭ ءتوراعاسى ەرلان قوشانوۆ.