ەلەنا رىباكينا WTA 500 ءتۋرنيرىن جەڭىسپەن باستادى
قازاقستاننىڭ ءبىرىنشى، الەمنىڭ 12-راكەتكاسى ەلەنا رىباكينا سانكت-پەتەربۋرگ WTA 500 ءتۋرنيرىن جەڭىسپەن باستادى، دەپ حابارلايدى Almaty-akshamy.kz
جارىستىڭ 3-راكەتكاسى بولىپ تىركەلگەن قازاقستاندىق تەننيسشى العاشقى اينالىمدا دۇنيەجۇزىلىك رەيتينگتە 81-ورىندا تۇرعان رەسەيلىك ۆارۆارا گراچيەۆامەن كەزدەستى.
ءبىرىنشى پارتيادا ەكى برەيك جاساعان قازاقستاندىق تەننيسشى ايقىن باسىمدىلىق كورسەتتى - 6:2. ەكىنشى سەتتە العاش گەيمىن ۆ.گراچيەۆا العانىمەن، ودان كەيىن ە.رىباكينا دەس بەرمەدى - 6:1.
ءبىر ساعاتقا جۋىق ۋاقىتقا سوزىلعان ماچتا ە.رىباكينا 5 ەيس جاساپ، 9 برەيك-پوينتتىڭ بەسەۋىن پايدالانا ءبىلدى. قازاقستاندىق تەننيسشى شيرەك فينالعا شىعۋ ءۇشىن الەمنىڭ 42-راكەتكاسى، چەحيالىق تەرەزا مارتينسوۆامەن تالاسادى.